Gürcü və azərbaycanlıların birgə bayramı - Kürmükoba bayramı

Qax Fotonun müəllifi Gülər Abbasova

Noyabrın 23-də Qax rayonunun Kürmük kəndində həm azərbaycanlıların, həm də gürcülərin birgə bayramı qeyd olunub.

Qaxın etnik azərbaycanlı sakinləri bu günü Kürmükoba bayramı, gürcülər və Gürcüstandan gələn ziyarətçilər isə Müqəddəs Georgi Günü adıyla qeyd edirlər.

Fotoqraf Gülər Abbasovanın BBC Azərbaycanca üçün reportajı.

İldə iki dəfə 6 may və 23 noyabrda keçirilən bayramda dini mənsubiyyətindən asılı olmayaraq hər bir qaxlı iştirak edir. Bayram günü Kümrük məbədi ziyarət olunur.

Fotonun müəllifi Gülər Abbasova
Fotonun müəllifi Gülər Abbasova

Bayramın adı onun yerləşdiyi ərazi ilə bağlıdır. Keçmişdə bu məbədin ən böyük ziyarətgahlardan biri olduğu və yerli əhalinin burada mövsümi bayram kimi Kürmükoba bayramını qeyd etdiyi deyilir.

Fotonun müəllifi Gülər Abbasova

Qaxlı gürcülər bu bayramı müqəddəs Georginin doğum günü şərəfinə qeyd edirlər. Ziyarərə yerli sakinlərdən başqa yaxın bölgələrdən, eləcə də Gürcüstandan gələn zəvvarlar da qoşulur.

Fotonun müəllifi Gülər Abbasova

Ziyarət günü məbədə gələnlər Allaha sitayiş və dualar edir, şamlar yandırır, qurban kəsirlər.

Fotonun müəllifi Gülər Abbasova
Fotonun müəllifi Gülər Abbasova

Zəvvarlar məbədin yaxınlığında yerləşən qədim daşın üzərinə arzularını söyləyərək şam yandırırlar.

Fotonun müəllifi Gülər Abbasova

Qara daşın his basmış, yapışqan səthindən bəllidir ki, ona inam, etiqad çox böyükdür. Bu inancların kökü qədim zamanlardan gəlir.

Fotonun müəllifi Gülər Abbasova

"Balam türmədədir, Rusiyada. Onun üçün, anam üçün, rəhmətə gedən atam və bacım üçün dua etməyə gəlmişəm.

Özüm avtomobil qəzasına düşmüşəm. Amma buranı necə qalxdım, heç hiss də eləmədim", 55 yaşlı Xədicə Havalayeva Balakən rayonu, Katex kəndindən ziyarətə gəlib.

Fotonun müəllifi Gülər Abbasova

Hərə öz dilində Allaha dualar edir. Niyyəti qəbul olmuş insanlar burada qurban kəsirlər.

Fotonun müəllifi Gülər Abbasova

Zəvvarlar arasında kilsə yolunu, ziyarətini ayaqyalın çıxanlar da olur.

Fotonun müəllifi Gülər Abbasova

"14 ildir bura ziyarətə gəlirəm. Bu dəfə əhd eləmişdim ki, ayaqyalın ziyarət edim. Nə əhd etdiyimi deyə bilmərəm, bu sirrdir.

Qoy Allah özü hər kəsə kömək olsun", 28 yaşlı İrakli Tartaraşvili Qaxa Gürcüstandan, Tbilsidən gəldiyini deyir.

"Əhd eləmişdik ki, sağlıq olsun, qoç gətirək, bu ziyarətdə kəsək", Vitali və Viseli Marcenaşvili əmioğulları.

Fotonun müəllifi Gülər Abbasova

Ziyarətə qoçla yanaşı xoruz da qurban deyib gətirənlər olur.

Bu günü böyükdən kiçiyə hamı bir-birini təbrik edir, xoş sözlər deyir.

Fotonun müəllifi Gülər Abbasova

Bayram günü məbəd yolunun üzərində kilsə şamları satan ağbirçəklərə rast gəlmək olur.

Onlardan biri, 78 yaşlı Manea Kulaşvili deyir artıq 15 ilə yaxındır ki, hər il iki dəfə bu bayram günü kilsə şamları satmağa gəlir.

Fotonun müəllifi Gülər Abbasova

Hava şaxtalı, qarlı olduğundan ziyarətdən sonra zəvvarlar ocaq bağına toplaşıb söhbət edir, günün şərəfinə kiçik süfrə açırlar.

Fotonun müəllifi Gülər Abbasova

Bu barədə daha geniş