Şəkillərdə: Birinci vitse-prezident, azarkeş, hacı...

Birinci xanım Fotonun müəllifi mehriban-aliyeva.az

Fevralın 21-də Azərbaycanıın Birinci xanımı Mehriban Əliyeva prezident İlham Əliyev tərəfindən ölkənin Birinci vitse-prezidenti təyin edilib.

Bu, Mehriban Əliyevanın hökumətdə ilk vəzifəsidir, lakin bundan əvvəl də onun siyasi addımları həmişə ərinin karyerasına bağlı olub.

Mehriban Əliyeva 1983-cü ildə İlham Əliyevlə ailə həyatı qurub. Onların iki qızı və bir oğlu var.

BBC Azərbaycanca Birinci vitse-prezidentin ictimai və siyasi həyatına nəzər salır.

Fotonun müəllifi mehriban-aliyeva.az

Fevralın 21-də keçirilən Təhlükəsizlik Şurasının iclasında prezident İlham Əliyev Mehriban Əliyevanı Nazirlər Kabinetinə təqdim edərək deyib: "Bu təyinat münasibətilə mən onu təbrik edirəm və ona yeni uğurlar arzulayıram".

Fotonun müəllifi Francois Durand/ Getty

Mehriban Əliyeva UNESCO Xoşməramlı Səfirlərinin illik toplantısında, İordaniya şahzadəsi Firyal (sağda) və Şeyx Ğassan I Şaker-lə birgə. Paris, 2007-ci il.

Fotonun müəllifi Anadolu Agency/ Getty

Xanım Əliyeva Ümrə ziyarətində, 2015-ci il, 7 aprel. Ümrə ziyarətində Azərbaycan prezidentini xanımı ilə yanaşı, qızları Leyla və Arzu Əliyevalar da müşayiət ediblər.

Fotonun müəllifi Chris Jackson/ Getty

Mehriban Əliyeva qızları Leyla və Arzu ilə birgə "Fly Baku" müasir incəsənət sərgisində. London, 17 yanvar 2012-ci il. Sərgi De Pury Gallery-də Leyla Əliyeva və Simon De Pury tərəfindən təşkil edilib.

Fotonun müəllifi mehriban-aliyeva.az

Mehriban Əliyeva, prezident Əliyevlə birgə Qusar rayonunda yerləşən "Şahdağ" kompleksində "Park Chalet" oteli və 1 nömrəli kanat və xizək enişinin açılışında iştirak edib. 2015-ci il yanvar ayı.

Fotonun müəllifi ADEM ALTAN/ Getty

Mehriban Əliyeva, prezident İlham Əliyevin 2013-cü ildə Ankaraya səfəri zamanı Türkiyənin keçmiş prezidenti Abdullah Gülün xanımı Hayrunnisa Güllə birgə.

Fotonun müəllifi MAX ROSSI/ Getty

Roma Papası Francis 2015-ci ilin 6 mart tarixində Vatikan səfəri zamanı prezident İlham Əliyev və Mehriban Əliyeva ilə görüşüb.

Fotonun müəllifi Harry Engels/ Getty

Birinci xanım 2015-ci ildə Bakıda keçirilmiş Birinci Avropa Oyunları zamanı gənclər və idman naziri Azad Rəhimovla birgə voleybol yarışlarını izləyir.

Fotonun müəllifi ANDREJ ISAKOVIC/ Getty

Formula 1-in keçmiş rəhbəri Bernie Ecclestone Bakıda keçirilən Avropa Qran Prisində, yarışlar başlamazdan öncə İlham Əliyev və Mehriban Əliyeva ilə birgə müzakirə edir. 19 iyun 2016-cı il.

Əlaqəli mövzular

Bu barədə daha geniş