Türkiyə Avropanı mühacir axını ilə təhdid etdi

Türkiyədə miqrantlar Fotonun müəllifi Getty Images
Image caption Ankara qaçqınlar barədə sazişi ləğv etməklə hədələyir

Türkiyənin daxili işlər naziri Süleyman Soylu Ankara ilə Amsterdam arasında gərginliyin davam edəcəyi təqdirdə Türkiyə rəhbərliyinin sərhədi açmağa hazır olduğunu və hər ay Avropaya 15 min qeyri-qaynuni mühacir göndərəcəyini bəyan edib.

"Mən Avropaya müraciət edirəm, siz elə cəsarətlisiniz? İstəyirsiniz hər ay sizə buraxmadığımız 15 min qaçqının yolunu açaraq sizə baş ağrısı yaradaq? " - deyə Soylu bildirib.

Bir qədər əvvəl Türkiyənin xarici işlər naziri Mevlüt Çavuşoğlu da Aİ ölkələrini qaçqınlarla bağlı sazişi ləğv etməklə və Avropanı mühacirlərlə "doldurmaq"la hədələmişdi.

2016-cı ilin martında Aİ Türkiyə ilə saziş imzalayıb. Sazişə görə, Türkiyə 6 milyard avroluq yardımın və vizasız rejimin qarşılığında Aİ-nın göndərdiyi qaçqınları qəbul etməlidir.

Bu ilin mart ayında Türkiyə ilə Niderland arasında gərginlik yaranıb.

Belə ki, Niderland rəhbərliyi referendumla bağlı türk vətəndaşları qarşısında çıxış etməyi planlaşdıran Türkiyə xarici işlər naziri Mevlüt Çavuşoğlunun ölkəyə səfər etməsinə etiraz edib.

Türkiyə tərəfi isə öz növbəsində cavab tədbirləri görüb.

Niderlanddan Türkiyəyə bütün diplomatik reyslər ləğv edilib, Niderlandın məzuniyyətdə olan səfirinin geri qayıtmasına icazə verilməyib.

Bu barədə daha geniş