ABŞ İsrailin yeni məskunlaşma planını tənqid edir

İsrail bildirir ki, qəsəbələr sülhə əngəl deyil Fotonun müəllifi AFP/getty
Image caption İsrail bildirir ki, salınmış qəsəbələr sülhə əngəl deyil

ABŞ İsrailin Qərb Sahilində yeni məskunlaşma planını "şiddətlə qınayır".

Ağ Ev və Dövlət Departamenti bildirib ki, 300-ə qədər yeni evin və sənaye zonasının tikilməsi İsrail-Fələstin münaqişəsinin həlli perespektivini azaldır.

İsrail iddia edir ki, planda 100-dən az ev təsdiqini tapıb.

İsrail Xarici İşlər Nazirliyi bildirib ki, yeni evlər mövcud yaşayış ərazisində tikiləcək.

İsrailin 1967-ci ildə Qərb Sahili və Şərqi Qüdsün işğalından sonra salınmış 100-dən çox yaşayış məntəqəsində təxminən 570 000 israilli yaşayır.

Beynəlxalq qanunlara görə bu yaşayış məntəqələri qanunsuzdur, lakin İsrail bu fikirlə razı deyil.

"İsrail hökuməti bu məskunlaşma bəyanatı ilə sülh prosesini pozur", Ağ Ev sözçüsü Josh Earnest bildirib.

Lakin İsrail Xarici İşlər Nazirliyi bildirib ki, yeni tikililər "yeni yaşayış məntəqəsini" təşkil etmir.

Fələstinlilər Qərb Sahili və Qəzzada paytaxtı Qüds olan müstəqil dövlət qurmaq istəyirlər və salınmış yaşayış məntəqələrinin buna imkan vermədiyini bildirirlər.

Əlaqəli mövzular