Funt ucuzlaşır, FTSE 100 səhmləri bahalaşır

City traders Fotonun müəllifi Getty Images

Londonda keçirilən ticarət sessiyasının əvvəlində Britaniyanın milli valyutası dəyərini itirməkdə davam edib. Bu arada səhmlərin FTSE 100 indeksi rekord səviyyəyə çatıb.

Aİ-dən çıxmaqla bağlı narahatlıqlar fonunda son bir neçə gün ərzində Britaniyanın milli valyutasının qiyməti kəskin şəkildə aşağı düşür.

Funt sterlinq dollara nisbətdə 0,6 faiz ucuzlaşaraq $1.2284 satılıb. Avroya qarşı da dəyərinin 0,4 faizini itirən funtun qiyməti €1.1051 olub.

Bu arada FTSE 100 indeksinin qiyməti 15.33 bəndədək bahalaşaraq günlük rekord təşkil edən 7,112.83 səviyyəsinə çatıb.

Funtun zəifləməsi gəlirlərin çoxunu xaricdə əldə edən FTSE 100-ə daxil şirkətlərin səhmlərinin bahalaşmasına səbəb olub. Belə ki, zəif funt konvertasiyası ölkə kənarından cəlb olunan mənfəətin dəyərini artırmış olur.

Sterlinq brexit qərarından sonra dəyərinin 18 faizini itirib.

Əlaqəli mövzular

Bu barədə daha geniş