NATO lideri Trump-a xəbərdarlıq edir

NATO Secretary-General Jens Stoltenberg answers questions about the U.S. presidential election at the NATO headquarters in Brussels on Wednesday, Nov. 9, 2016 Fotonun müəllifi AP

NATO-nun baş katibi Jens Stoltenberg ABŞ-da prezident seçilmiş Donald Trump-a "təkbaşına gediş"in Avropa və ABŞ üçün seçim olmadığı barədə xəbərdarlıq edib.

O bildirib ki, Qərb hazırda böyük təhlükəsizlik problemi ilə üzləşib.

Seçki kampaniyası zamanı cənab Trump qərbin hərbi alyansı olan NATO-nu köhnəlmiş adlandırıb.

O təklif edib ki, NATO hücum altında olarkən ABŞ yardıma gəlmək barədə iki dəfə düşünəcək.

Britaniyanın Observer qəzetində yazan cənab Stoltenberq cənab Trump-ın başqa üzv ölkələrin daha çox maliyyə töhfəsi verməsi ehtiyacı barədə fikirləri ilə razılaşıb, belə ki NATO-nun xərclərinin təxminən 70 faizi ABŞ-ın payına düşür.

Lakin o əlavə edib ki, Amerika liderləri həmişə sabit və təhlükəsiz Avropada dərin strateji maraqlarının olmasını etiraf edib.

"Bu qeyri-müəyyən vaxtlarda bizim güclü Amerika rəhbərliyinə və bu yükü bərabər paylaşan avropalılara ehtiyacımız var," Norveçin sabiq baş naziri yazır.

"Təkbaşına gediş etmək nə Avropa, nə də ABŞ üçün variantdır. Biz indi təhlükəsizlik baxımından ən böyük problemlərlə üzləşirik. İndi Avropa və ABŞ arasında tərəfdaşlığın əhəmiyyətini şübhə altına almaq vaxtı deyil".

Fotonun müəllifi AFP

BBC-nin Vaşinqton müxbiri Paul Adams deyir ki, bir vaxtlar seçilməsinə güman olmayan namizədin dediyi bu sözlər indi alyansın varlığına da real təhlükədir.

Onun sözlərinə görə, cənab Trump-ın Rusiya prezidenti Vladimir Putin-ə heyranlığı da bu şübhələri kəskinləşdirib.

Cümə günü Rusiya prezidentinin sözçüsü deyib ki, cənab Trump NATO-nu Rusiya sərhədlərindən qoşunlarını çəkməyə yola gətirməklə Rusiya ilə etimad qurmağa yardım edə bilər.

Fotonun müəllifi AFP
Image caption Hillary Clinton-in nüfüzü aşağıdır

Eyni zamanda isə Hillary Clinton ABŞ prezident seçkilərində uduzmasına görə Federal Təhqiqatlar Bürosunun direktorunu müdaxilədə günahlandırıb.

FTB direktoru James Comey-in seçki günündən bir qədər əvvəl emaillər barədə yeni təhqiqata başlaması onun kampaniyasının impulsunu dayandırıb, xanım Clinton deyib.

Bu barədə daha geniş