Lufthansa pilotların tətilinə görə 876 uçuşu ləğv edir

Lufthansa Fotonun müəllifi AP
Image caption Bu 2014-cü ildən bəri pilotların sayca 14-cü tətilidir.

Lufthansa aviaşirkəti çərşənbə günü pilotların tətilinə görə 876 uçuşu ləğv edir, Almaniya şirkətinin mətbuat xidməti bildirir.

Məlumata əsasən tətil gününə təyin edilən 3000 reysdən yalnız 2124-ü həyata keçiriləcək.

Çərşənbə günü uçuşların ləğvi 100 min sərnişinin səyahət planına təsir göstərəcək.

"Lufthansa müştərilərini maksimal dərəcədə məlumatlandırmaq və imkan daxilində başqa uçuşlardan istifadə etmək fürsətini vermək üçün səylərini əsirgəmir", - sərnişinlərə üzrxahlığını bildirən şirkətin rəsmi açıqlamasında deyilir.

Çərşənbə günü Lufthansa və onun törəmə şirkəti olan Eurowings-in pilotları Almaniya Mülki Aviasiya İşçilərinin Cockpit Həmkarlar İttifaqının çağırışı ilə növbəti tətilə qatılırlar.

Pilotların əsas tələbi maaşların artırılmasıdır.

Tətil gecəyarısı başlayaraq bir sutka davam edəcək.

Həmkarlar ittifaqı son 5 ildə dondurulmuş maaşların hər bir ilinə 3,6 faiz əlavə ödəniş tələb edirlər ki, buda məvaciblərin 20 faiz artması deməkdir.

Bu 2014-cü ildən bəri Lufthansa pilotların sayca 14-cü tətilidir.

Bu barədə daha geniş