Özbəkistanda prezident seçkiləri: ilkin nəticə sabah elan ediləcək

seçkilər Fotonun müəllifi RIA Novosti

Özbəkistanın Mərkəzi Seçki Komitəsi hazırda səs bülletenlərini sayır.

Səsvermə Bakı vaxtilə saat 19.00-da bitib.

MSK səsvermə barədə ilkin yekun məlumatı sabah elan ediləcək, BBC Monitorinq bildirir.

Saat 2-ə olan məlumata görə, seçicilərin 86.6 faizi səsvermədə iştirak edib.

Bu rəqəm səhər 11-də 33.73 faiz olub.

Yerli qanunvericiliyə əsasən, seçkilərin baş tutmuş sayılması üçün səsvermə hüququ olan şəxslərin 33 faizinin iştirakı lazımdır.

Səsvermə 9383 seçki məntəqəsində keçirilir, onlardan 44-ü xaricdə yerləşir.

Özbəkistanda növbədənkənar prezident seçkiləri mərhum prezident İslam Kərimovun vəfatından sonra baş tutur.

Prezidentlik uğrunda dörd nəfər namizədliyini versə də, prezident əvəzi Şavkat Mirziyoyevin qalib gələcəyinə şübhə yoxdur.

Bu barədə daha geniş