Trump-ın Obama iddiası "rədd edilib"

US President Donald Trump speaks by phone in the Oval Office at the White House in Washington, 28 January 2017 Fotonun müəllifi Reuters

Federal Təhqiqatlar Bürosunun direktoru James Comey prezident Donald Trump-ın Barak Obamanın onun telefonunu dinləməsinə dair iddialarını rədd edib, ABŞ mediası söyləyib.

Xəbər verilir ki, cənab Comey Ədliyyə Nazirliyindən Obamanın ötən ilin seçki kampaniyası zamanı telefon danışıqlarını dinləməyi sifariş verməsi iddialarının rədd edilməsini xahiş edib.

O bunu ona görə edib ki, bu, yanlışlıqla FTB-nin qanunu pozmasına işarə edir.

Xəbəri New York Times yazıb və NBC isə təsdiqləyib.

Ədliyyə Nazirliyi xəbərlə bağlı heç bir rəsmi məlumat verməyib.

ABŞ KİV-i bir rəsmiyə istinadən cənab Comey-in Trump-ın iddialarını təsdiq edən sübutların olmadığına inandığını deyib.

Obamanın sözçüsü cənab Trump-ın iddialarını "sadəcə yalan" adlandırıb.

Əlaqəli mövzular

Bu barədə daha geniş