Addımbaaddım: müvazinəti yaxşılaşdırmağın 12 yolu

Müvazinətinizi bu sadə 12 məşğələ ilə yaxşılaşdırın Fotonun müəllifi GETTY IMAGES
Image caption Müvazinətinizi bu sadə 12 məşğələ ilə yaxşılaşdırın

Müvazinəti saxlamağın təbii olduğunu və heç bir səy tələb etmədiyini düşünə bilərsiniz.

Lakin, həqiqət budur ki, yaxşı balansı qorumaq üçün möhkəm əzələlər, güc və çeviklik tələb olunur.

BBC Mundo sizə, dik qamətə malik olmaq üçün bədəninizin hansı hissələrini inkişaf etdirmək lazım gəldiyini göstərən məşğələlər təqdim edir

Əgər hər hansısa xəstəliyiniz varsa və ya uzun müddət idmanla məşğul olamamısınızsa, məşğələləri etməmişdən öncə həkiminizlə məsləhətləşin.

Pozaların hansındasa dəstəyə ehtiyac duysanız, stuldan istifadə edə bilərsiniz.

MƏŞĞƏLƏ 1

Diz bükmələri

  • Ayaqlarınızı bərabər saxlayın və qollarınızı rahat formada aşağı salladın
  • Arxanızı dala itələyərək dizlərinizi bükün
  • Dabanlarınızı döşəmədən ayırmayın
  • Dizlər bərabər qalmalıdır
  • Hərəkəti 10 dəfə təkrarlayın

MƏŞĞƏLƏ 2

Barmaq ucunda gəzmə

  • Dabanlarınızı qaldırın
  • Gücü baş barmaqlarınızın üzərinə salın
  • 10 addım yeriyin
  • Astadan dönün və hərəkəti təkrarlayın

MƏŞĞƏLƏ 3

Daban və baş barmaq pozası

  • Bir ayağınızı digərinin qarşısına qoyun
  • Balansınızı o vəziyyətdə 10 saniyə saxlayın
  • Sonra isə digər ayağınızı irəli qoyun

MƏŞĞƏLƏ 4

Daban və baş barmaqla gəzmə

  • Əvvəlki məşğələni təkrarlayaq 10 addım yeriyin
  • Ayaqlarınızı bir-birinin yanına qoymağı unutmayın

MƏŞĞƏLƏ 5

Bir ayaq üzərində dayanma

  • Dik vəziyyətdə dayanın
  • Dəstək kimi dayanan qıçın dizi bərk sıxılmalıdır
  • Digər dizi qatlayın və bir neçə santimetr yuxarı qaldırın
  • Bu vəziyyətdə 10 saniyə dayanın
  • Sonra isə digər qıçınızı qaldırın

MƏŞĞƏLƏ 6

Üzü irəli duruş

  • Qıçlarınızı düz saxlayın və dizlərinizi bükməyin
  • Bir tərəfə 10 addım yeriyin və hər addımdan sonra ayaqlarınızı birləşdirin
  • Hərəkəti əks istiqamətdə təkrarlayın

MƏŞĞƏLƏ 7

Daban üzərində yerimə

  • Ayaq barmaqlarınızı qaldırın
  • Qıçlarınızı düz saxlayın və dizlərinizi bükməyin
  • Qarşıya baxın
  • On addım irəliləyin və yenidən geri qayıdın

MƏŞĞƏLƏ 8

Tərpənmədən oturma

  • Gövdəniz dik şəkildə oturun
  • Stulun söykənəcəyindən azca irəli formada
  • Astadan ayağa qalxın və düz dayanın
  • 10 dəfə təkrarlayın
  • Əgər köməyə ehtiyac duysanız, əllərinizi stula qoyun

MƏŞĞƏLƏ 9

Arxaya yerimə

  • Qamətiniz dik vəziyyətdə irəli doğru dayanın
  • 10 addım arxaya yeriyin
  • Əvvəl ayaq barmaqlarınız, sonra isə dabanlarınızı yerə basmağı unutmayın
  • Fırlanın və hərəkəti əks istiqamətdə təkrarlayın

MƏŞĞƏLƏ 10

Arxaya doğru daban və barmaq üzərində yerimə

  • Əvvəlki hərəkəti təkrarlayın, lakin, bu dəfə bir ayağı digərinin arxasına möhkəm şəkildə qoyaraq

MƏŞĞƏLƏ 11

Büzməli yerimə

  • Bədəninizi 8 formasında fırladaraq yeriyin (şəkildəki kimi iki stuldan istifadə edərək ətraflarında gəzə bilərsiniz)
  • Dik qalın
  • İki dəfə təkrarlayın

MƏŞĞƏLƏ 12

Pilləkənləri qalxma

  • Güc düşən ayağınızı pillənin üzərinə birinci qoyun
  • Hər pilləni qalxdıqca ayaqlarınızı yanbayan saxlayın
  • Hər pillədə istirahət edin
  • Çevrilib hərəkəti aşağı düşərək təkrarlayın
  • Bu dəfə isə zəif ayağınızı irəli qoyun
  • Hərəkəti 5 dəfə təkrarlayın
  • Ehtiyac yaranarsa, məhəccərdən tutun

Bu barədə daha geniş