Praqa festivalında azərbaycanlı fəalların azadlığı üçün petisiya imzalanıb

Sizin qurğunuzda yenidən səsləndirmə mümkün deyil
Bayram Məmmədovun və Qiyas İbrahimovun azadlığı üçün petisiya imzalaması

Praqada keçirilən "Multikultural Kaleydoskop" adlı festivalda azərbaycanlı gənc fəallar Qiyas və Bayramın azad edilməsi tələbi ilə kampaniya aparılıb.

Xaricilərin inteqrasiyası, başqa mədəniyyətlərlə tanışlıq məqsədi ilə keçirilən bu festivalda, əsasən müxtəlif xalqların mətbəx və rəqslərinə aid təqdimatlar olur.

Hər il insan haqları ilə bağlı bir məsələ də önə çəkilir.

Keçən il Yuqoslaviya müharibəsindən zərər çəkmiş 4 qadının taleyindən danışılmışdı.

Bu ilki tədbirdə 10 il müddətinə azadlıqdan məhrum edilmiş Bayram Məmmədovun və Qiyas İbrahimovun azadlığa buraxılması tələbi ilə petisiya imzalanıb.

Amnesty İnternational beynəlxalq hüquq müdafiəsi təşkilatının fəalları festival iştirakçılarına bu gənclərin niyə tutulduğunu izah edirlər.

Bu videolardan birində çexcə, o birində slovakca iştirakçılara deyilir ki, Bayram və Qiyas Azərbaycanın keçmiş prezidenti Heydər Əliyevin heykəlinə qrafiti çəkəndən sonra onların evlərində narkotik tapıldığını deyərək həbs ediblər.

Onların sözlərinə görə, bu gənclər əslində öz fikirlərini ifadə elədikləri üstündə həbs olunublar və azad edilməlidirlər.

Praqa 4 bələdiyyəsinin və Daxili İşlər Nazirliyinin təşəbbüsü ilə 3 ildir ki, belə festival keçirilir.

Bu barədə daha geniş