Şahzadə Philip xəstəxanadan evinə buraxılıb

Şahzadə Philipp Fotonun müəllifi TASS
Image caption Şahzadə Philipp yaxşı əhval-ruhiyyədədir.

Britaniya kraliçası II Elizabeth-in əri Edinburq hersoqu, şahzadə Philip Londonun mərkəzindəki kral VII Edward adına xəstəxanadan evinə buraxılıb.

O, bundan əvvəl infeksiya xəstəliyi təhlükəsinə görə hospitala yerləşdirilmişdi.

BBC-nin məlumatına əsasən, Edinburq hersoqunun vəziyyəti "ciddi narahatlıq doğurmur."

Onun xəstəxanaya yerləşdirilməsindən sonra Buckingham sarayı tərəfindən yayılmış məlumatda Edinburq hersoqunun hospitala çərşənbə axşamı gününün axşamı çatdırıldığı qeyd olunmuşdu.

Buckingham sarayında 96 yaşlı şahzadə Philip-in yaxşı əhval-ruhiyyədə olduğu bildirilib.

Ötən şənbə günü o, kraliça ilə birgə hərbi paradda olub, çərşənbə axşamı isə Ascot cıdır yarışlarının açılışına baş çəkib.

Həmin günün axşamı o, xəstəxanaya çatdırılıb.

Hospitalda olduğuna görə, şahzadə parlamentin çərşənbə günü baş tutmuş açılışında iştirak edə bilməyib, onu parlamentdə Wales şahzadəsi əvəz edib.

Şahzadə Philip Ascot cıdır yarışlarının ikinci gününü də buraxmalı olub.

Əlaqəli mövzular

Bu barədə daha geniş