Araşdırma: İnsanlar ateistlərin "daha əxlaqsız" olduğunu düşünürlər

Xristianlar Kənd Təsərrüfatı Departamenti qarşısında. Mart 2012 , Washington DC, ABŞ. Fotonun müəllifi AFP
Image caption Uca qüvvələrə inananlar daha əxlaqlı sayılır, yeni araşdırmada göstərilir.

Ateistlər hətta dünyəvi "dövlətlərdə potensial cəhətdən əxlaqdan daha uzaq və daha təhlükəli" kimi qəbul edilirlər.

Yeni araşdırmaya əsasən şəxsi əxlaq dəyərlərinə qiymət verməyə gəlincə bəzi ateistlər belə "antiateist qərəzinə" əsaslanır.

Ateistlərə dair qərəzli münasibət inanclıların sayı yüksək olan BƏƏ, ABŞ və Hindistan kimi ölkələrdə daha güclü olub. Yalnız Yeni Zelandiya və Finlandiyada onlara qarşı aydın qərəzlilik nəzərə çarpmayıb.

Həmçinin oxuyun:

Araşdırma iştirakçılarına verilən suallardan biri belə olub: "Uşaqlıqda heyvanlara işgəncə vermiş və müəllim olandan sonra beş evsiz insanı qətlə yetirən şəxsin dindar yoxsa ateist ola biləcəyini düşünürsüz?"

Tədqiqat qrupları boyunca ateistin qatil tanınması ehtimalı ikiqat artıq olub.

"Ateistlərə qarşı intuitiv qərəzliliyin hətta ateistlər arasında mövcud olması inanılmazdır", - AFP agentliyinə danışan tədqiqatın həmmüəllifi, Kentucky universitetinin professoru Will Gervais bildirir.

"Zənnimcə bu, dindarlığın üstünlüyü barədə dərin kök salmış normalardan irəli gəlir".

Beynəlxalq alimlər qrupunun apardığı araşdırmanın nəticələri Nature Human Behaviour jurnalında dərc olunub.

Elmi tədqiqatda 5 qitə və 13 ölkəni təmsil edən 3 min adam iştirak edib.

Əlaqəli mövzular

Bu barədə daha geniş