Barselona hücumu: Terrorçu dəstənin 120 qaz kanistri olub

The wrecked house in Alcanar Fotonun müəllifi EPA
Image caption Alcanar şəhərində yerləşən bu evdə çərşənbə günü, gecə saatlarında güclü partlayış baş vermişdi.

İspaniyada bu həftə iki hücum həyata keçirmiş, 12 nəfərdən ibarət terrorçu dəstənin 120 qaz kanistri olub.

Dəstə, hazırladığı avtomobil hücumlarında həmin qaz kanistrlərindən istifadə etməyi planlaşdırırdı, İspaniya polisi bildirib.

Qaz kanistrləri çərşənbə gününün gecəsi Alcanar şəhərində, partlayış baş vermiş evdə aşkar edilib.

Deyildiyinə görə, bu evdən sözügedən dəstə tərəfindən istifadə edilib.

Barselonanın Las Ramblas turist ərazisində 13 nəfəri vurub öldürən furqonun sürücüsü polis tərəfindən hələ də axtarışdadır.

14-cü adam Cambrils şəhərində baş vermiş ikinci hücum zamanı ölüb.

Bazar günü Barselona şəhərində hücum qurbanlarının xatirəsi anılıb.

İspaniya kralı Felipe və kraliça Letizia, Barselonanın məşhur Sagrada Familia (Müqəddəs Ailə) kilsəsində cümə axşamı günü baş vermiş hücumda ölənlərin xatirəsini yad etmək məqsədilə keçirilən mərasimdə iştirak ediblər.

Fotonun müəllifi AFP
Image caption İspaniya kralı və kraliçası Sagrada Familia kilsəsində keçirilən mərasimdə iştirak edirlər.

Anım mərasiminə qatılanlar arasında eləcə də Baş nazir Mariano Rajoy da olub.

İspaniya nazirlərinin bildirdiyinə görə, hücumlarla əlaqəli olan cihadçı dəstə ləğv edilib.

Amma polis hələ də furqon sürücüsü və Ripoll şəhərindən yoxa çıxmış bir imamın axtarışını davam etdirir.

İspan mətbuatında dərc edilmiş bəzi xəbərlərə görə, cihadçı dəstənin məqsədi Sagrada Familia kilsəsini partlatmaq olub.

Əlaqəli mövzular

Bu barədə daha geniş