Galaxy Note 8: Samsung-un Simurq telefonu?

Galaxy Note 8
Image caption Samsung Galaxy Note 8

Batareyası ilə bağlı problemə görə Galaxy Note 7 smartfonunun geri çağrılması ardınca Samsung nəhəng smartfonun yeni versiyasını təqdim edib.

Yeni smartfon daha böyük ekranla təchiz olunub.

Onun qoşa linzalı kamerası optik sabitləşdirmə funksiyasına malikdir.

Note 8 əsas cazibədar xüsusiyyətləri arasında yeni S Pen stilusu qeyd olunur.

Elektron qələmlə artıq yaş olan ekranda da yazmaq mümkün olacaq.

2011-ci ildə Note xətti smartfonlar arasında iri displeylər təmayülünü təsis etmiş oldu.

Image caption S Pen stilusu

Lakin hazırda böyük ekranlar artıq oturuşmuş bir norma sayılır.

Smatfonun satış perspektivləri ümidverici görsənir, BBC-nin texnologiya üzrə müxbiri Rory Cellan-Jones-un məlumatında deyilir.

Mobil telefon sənayesini təhlil edən CCS Insight qrupunun təhlilçisi bildirir ki, Samsung ötən il Galaxy Note 7 smartfonlarının geri çağrılması ilə bağlı qalmaqal ardınca gözlənildiyindən daha yaxşı nəticələr göstərib.

"Mən Samsung brendinin ayaqda qalacağına inanırdım, lakin Note brendinə dair daha çox suallar qalırdı", - Ben Wood bildirir.

Samsung Note 8 Britaniyada 869 funt sterlinqə (1877 AZN) satılmalıdır.

Galaxy-nin rəqiblərindən olan iPhone-un yeni modelinin payız aylarında təqdim olunacağı gözlənilir.

Ötən həftə həmçinin yeni Nokia Essential smartfonları nümayiş etdirilib.

Əlaqəli mövzular

Bu barədə daha geniş