Meksikada yüz ilin ən güclü zəlzələsi baş verib

мехико Fotonun müəllifi Getty Images
Image caption 35 kilometr dərinlikdə olan yeraltı təkanları, episentrdən 100 km aralıda yerləşən Meksika paytaxtının sakinləri də hiss ediblər

Sakit okeanda, Meksika sahillərində 8,1 bal gücündə olan zəlzələ baş verib. Seysmoloqlar Latın Amerikasının bir neçə ölkəsini tsunami təhlükəsi barədə xəbərdarlıq ediblər.

Meksika rəhbərliyinin məlumatına görə, baş verən zəlzələ nəticəsində ölkədə azı 6 nəfər həlak olub.

Meksika prezidenti Enrique Peña Nieto baş verən təbii fəlakəti son yüz ilin ən güclü zəlzələsi adlandırıb.

Zəlzələnin episentri Pijijiapanşəhərinin cənub-şərqindən 100 kilometr aralıda, 35 kilometr dərinlikdə qeydə alınıb. Bu barədə ABŞ geoloji xidməti məlumat verib.

"3 metr yüksəklikdəki tsunami dalğaları Meksika sahillərində müşahidə oluna bilər", Məlumatı France Press agentliyi tsunami barədə xəbərdarlıq edən Sakit Okean Mərkəzinə istinadən yayıb.

Tsunami dalğaları həmçinin Argentina, Qvatamela, El-Salvador və regionun digər ölkələrini də əhatə edə bilər.

Lakin mərkəzin məlumatına görə, bu dalğalar Meksikayla müqayisədə digər ölkələrdə zəif olacaq.

Yeraltı təkanlar episentrdən bir neçə yüz kilometr aralıda yerləşən Mexico-da hiss edilib. Şahidlərin dediyinə görə, güclü yeraltı təkanlar nəticəsində bir neçə rayonda elektriklər kəsilib.

Yeraltı təkanlar şəhərdə gecə vaxtı hiss edilib.

Reuters agentliyinə müsahibə verən şahidlərdən biri insanların gecə geyimində evlərindən küçələrə qaçdığını söyləyib. Ciddi dağıntılar və həlak olanlar barədə məlumat yoxdur.

Fotonun müəllifi Getty Images
Image caption Mexico-nun bir neçə rayonun sakinləri gecənin böyük hissəsini küçədə keçiriblər

Meksikada, həmçinin "Katya" qasırğası təhlükəsi də gözlənilir.

Sinoptiklərin məlumatına görə, dördüncü gün gecə Meksika körfəzində yaranan qasırğanın Meksika sahillərinə cümə günü çatacağı gözlənilir.

Yaxın vaxtlarda "Katya" qasırğası güclənib və küləyin sürəti saatda 140 kilometr təşkil edib. 300 kilometr diametri əhatə edən qasırğa hazırda Tampiko şəhərinin cənub-şərqindədir.

Əlaqəli mövzular

Bu barədə daha geniş