Səudiyyədən xəbərdarlıq: Qüds bəyanatı radikallar üçün "oksigen" olacaq

Türki Feysal əl-Səud Fotonun müəllifi Getty Images
Image caption Türki Feysal əl-Səud bu bəyanatla Bəhreyndə təşkil edilən təhlükəsizlik konfransında çıxış edib.

Qüdsün İsrail paytaxtı tanınması barədə Donald Trump-ın qərarı radikal qruplar üçün "oksigen" olacaq, nüfuzlu səudiyyəli şahzadə deyib.

Türki Feysal əl-Səud bu bəyanatla Bəhreyndə təşkil edilmiş təhlükəsizlik konfransında çıxış edib.

Şahzadə 24 il ərzində Səudiyyə Ərəbistanı kəşfiyyat xidmətinin başçısı olub.

Konfransı izləyən BBC Təhlükəsizlik müxbiri Frank Gardner-in xəbərində deyilir ki, Qüds barədə ABŞ-ın qərarından sonra Körfəz ölkələrində cihadçı hərəkatların güclənəcəyindən narahatdırlar.

Fotonun müəllifi Reuters
Image caption ABŞ-ın BMT-dəki nümayəndəsi Nikki Haley

Bəhreyndə keçirilən Manama dialoqu forumu təhlükəsizlik məsələlərinə həsr olunub.

Konfransda nitqlə ABŞ-ın BMT-dəki nümayəndəsi də çıxış etməli idi. Lakin o foruma qatılmadı.

Cümə günü BMT Təhlükəsizlik Şurasında çıxış edən Nikki Haley deyib ki, "ABŞ aydın olan bir şeyi tanıyır: Qüds, İsrailin paytaxtıdır!".

Əlaqəli mövzular

Bu barədə daha geniş