Fransada mamont skeleti 548 000 avroya satılıb

The skeleton of a mammoth which will go on auction on December 16, 2017 at the Aguttes auction house. Fotonun müəllifi AFP
Image caption Skeletin hündürlüyü 3.4 metr, dişlərinin uzunluğu isə 3 metrdən çox olub.

Fransanın Lion şəhərində keçirilmiş hərracda qədim mamont skeleti €548 000 (təxminən, 1 milyon 88 min manat) qiymətə satılıb.

Skeletin 80 faizi qədim mamontun gerçək sümükləridir, həmin erkək mamontun qalıqları Sibirdə 10 il bundan əvvəl donmuş torpaqda aşkar olunub.

Mamontun azı dişlərində çürümə izləri aşkar olunduğundan, alimlər qədim heyvanın yeməyi çeynəmək qabiliyyətinin zəifləməsi səbəbindən öldüyünü istisna etmir.

Son zamanlarda müşahidə edilən iqlim dəyişməsi nəticəsində Sibirdə minilliklər ərzində donmuş halda olan torpağın donunun açılması, qədim mamontların qalıqlarının aşkar edilməsi hallarına səbəb olub.

"Torpağın donu açıldıqca maraqlı tapıntılar əldə olunur - mamontların tükü, dərisi, əzələləri, orqanları, hətta son yeməyi belə, aşkar olunub", - Manchester muzeyinin əməkdaşı David Gelsthorpe BBC-yə bildirib.

Fotonun müəllifi AFP
Image caption 39 000 il bundan əvvəl yaşamış və Yuka adı verilmiş qədim mamont balasının, demək olar ki, heç çürüməmiş qalığı da, Sibir donuşluğunda aşkar olunub.

Tüklü mamontların Yer üzündə yaşama dövrü ibtidai insan dövrü ilə üst-üstə düşüb.

Mamontların əksəriyyətinin nəsli 10 000 il bundan əvvəl kəsilib.

Bu heyvan növünün son nümunələri qrup halında Arktik okeandakı adada 4 000 il bundan əvvələdək yaşayıb.

Alimlər hesab edirlər ki, mamontlar nəslinin tam kəsilməsinin səbəbi insan fəaliyyəti və iqlim dəyişikliyi ilə bağlıdır.

Bu barədə daha geniş