Qazaxlı sazbənd: Sazın hazırlanması üçün 1 ildən çox vaxt lazımdır
Sizin qurğunuzda yenidən səsləndirmə mümkün deyil

Qazaxlı sazbənd: Sazın hazırlanması üçün 1 ildən çox vaxt lazımdır

Sazbənd Sabit Məmmədov hər gün evinin içində olan emalatxanasında işə başlayarkən ilk olaraq çırağını yandırır.

Deyir, çoxları çırağın işıq məqsədilə yandırildığını düşünsə də, əslində çıraq istilik üçündür.

Qazaxda yaşayan müsahibimiz 44 ildir ki bu sənətlə məşğuldur.

Uşaqlıqdan saz musiqisini sevdiyi üçün öyrənib bu sənəti. Ümumumiyyətlə saz sənəti Azərbaycanın qərb rayonlarında çox populyardır.

Sazın hazırlanmasının uzun proses olmasından danışan Sabit usta bunun üçün təxminən 1 ildən çox vaxtın tələb olunduğunu deyir.

Sazın çanağı tut, qol hissəsi isə qoz ağacından hazırlanır. Amma əvvəlcə bu taxtalar yonulur, qaynadılır və ya təndirdə bişirilir, qəliblərə salınır, qurudulur.

Yalnız ağac parçaları quruduqdan sonra sazı hazırlamaq olar.

Buna da təxminən, 10 gün vaxt sərf olunur, usta deyir.

Sazbənd həm də sazda ifa edə bilir. Deyir, “bu alətdə ifa edə bilməsən onu düzəldə bilməzsən”.

Onunla müxbirimiz Günel Səfər söhbət edib.