David Beckham "brendə görə" boşanmadığını cəfəngiyyat adlandırır

David Beckham
Image caption Beckham Desert Island Discs proqramının 75 illiyi üçün xüsusi qonağı olub

David Beckham deyir ki, həyat yoldaşı Victoria ilə "yalnız Beckham brendi" üçün ayrılmadıqları barədə iddialar cəfəngiyyatdır.

Keçmiş futbolçu BBC Radio 4-ün Desert Island Discs proqramının 75 illiyi üçün xüsusi qonağı idi.

"Bəzən deyirlər ki, guya biz brend olduğumuz üçün ayrılmırıq. Əlbəttə ki, elə deyil", o deyib.

"Biz bir-birimizi sevdiyimizə görə ayrılmırıq. Biz, 4 gözəl uşağımıza görə ayrılmırıq".

David Beckham aparıcı Kirsty Young-a deyib: "Biz güclü bir ailəyik. Bizim güclü valideynlərimiz var ki, onlar bizi düzgün dəyərlərlə boya-başa yetiriblər".

"Əlbəttə ki, illər keçdikcə səhvlər də olur. Hamımız bilirik ki, evlilik bəzən çətin olur və hər şey bu çətinliklərdən keçməkdən asılıdır".

Victoria və David Beckham 1999-cu ildə evləniblər. Onların 4 uşağı var.

Fotonun müəllifi Reuters
Image caption David və Victoria Beckhamın 3 oğlu və bir qızı var

"Əlbəttə ki, çətin zamanlar olur, amma biz həyatımıza hörmətlə yanaşırıq və çətin məqamları ailə olaraq həll edirik", o deyib.

Desert Island Disks proqramının formatı ondan ibarətdir ki, hər qonaq boş səhraya aparacağı 8 mahnını, bir kitabı və əlavə bir əşyanı seçir.

Beckhamın seçdiyi bəzi mahnılar:

  • Michael Jackson və Paul McCartney - The Girl Is Mine
  • Elton John - Something About The Way You Look Tonight
  • Ella Fitzgerald - Something About The Way You Look Tonight

Əlaqəli mövzular

Bu barədə daha geniş

BBC-nin digər saytlarında