NATO komandiri: Türk zabitlərin vəzifədən götürülməsi ittifaqı zəiflədir

Curtis Scaparrotti Fotonun müəllifi Getty Images

NATO-nun Avropa Müttəfiq Qüvvələr komandiri general Curtis Scaparrotti 15 iyul çevrilişə cəhddən sonra Türkiyənin Brüsseldə zabitləri vəzifələrindən uzaqlaşdırılmasının ittifaqı zəiflətdiyini bildirib.

Financial Times qəzetində verilən xəbərə görə, Scaparrotti, Brüsseldə verdiyi açıqlamada 15 iyul çevriliş cəhdindən indiyədək NATO-da xidmət edən Türk Silahlı Qüvvələr üzvləri olan 150-ə yaxın üst rütbəli zabitin həbs edildiyi, geri çağırıldığı və ya məcburən təqaüdə çıxarıldığını deyib.

Scaparotti deyib ki, "Bu zabitlər vacib xidmətlər veriblər... Burada qabiliyyətli və təcrübəli insanlarla işləyirdim və bu an mən öz komandamda qabiliyyət, təhlil və yerinə yetirilən iş baxımından zəifləmə görürəm".

ABŞ-lı general həmin zabitlərin çevriliş planlaşdırılmasında iştirak etdiklərinin düşünüb-düşünmədiyi ilə əlaqədər suala "xeyr" cavabı verib.

Bu barədə Türkiyə Silahlı Qüvvələrinin (TSQ) Baş Qərargah rəisi general Hulusi Akara da fikirlərini söylədiyini bildirən Scaparrotti, "Bu böyük və təcrübəli heyət olduğu üçün, biz çox təcrübə itirmişik. Ona görə də biz bir az deqradasiya müşahidə edirik və yeni liderlər və NATO ortaqları ilə əlaqələr qurmalı oluruq", deyib.

"Bəli, narahatam"

NATO-dakı vəzifələrindən uzaqlaşdırılan zabitlər arasında polkovnik, polkovnik-leytnant və generallar da var. Çevriliş cəhdindən indiyədək daha gənc zabitlərin daha yüksək rütbələrə təyin edilməsi ilə NATO-da xidmət edən TSQ heyətinin təxminən yarısı dəyişdirilib.

Scaparrotti həmçinin NATO-da vəzifəli hərbi heyətin və onların ailələrinin Türkiyəyə döndükdən sonra pis rəftara məruz qalmamaları üçün Türkiyədən əminlik istədiyini bildirərək bunları deyib:

"Burada bizimlə birliktə işləyən insanlara nə olduğundan narahatam. Mən general Akara demişəm ki, məni narahat edən məsələ - onlarla lazımi qaydada, qanunun aliliyi çərçivəsində rəftar edilməsidir.

Mən ona bu şəxslər və onların ailələrinə göstəriləcək münasibət barədə də öz narahatlığımı bildirdim. Məni narahat edən - gələcəkdə onları nə gözlədiyini bilməyən zabitlərdir. Belə ki, bəli, mən narahatam."

Bu barədə daha geniş