Prezident Erdoğan BBC-ə müsahibəsində: Aİ Türkiyənin vaxtını itirir

Erdoğan

Avropa İttifaqı bizim üzvlüyə qəbul edilmənin mümkün olmasını bildirsə idi, Türkiyə "rahatlardı", - Recep Tayyip Erdoğan BBC-ə müsahibəsində deyib.

HARDtalk proqramının aparıcısı Zeinab Badawi ilə söhbət edən Türkiyə lideri ölkəsinin "öz ayaqları üzərində" durmağa qadir olduğunu bildirib.

O, həmçinin 150 jurnalistin məhbəsə atıldığını danaraq mətbuat vəsiqəsinə sahib olan yalnız iki nəfərin həbsdə olduğunu vurğulayıb.

İfadə azadlığı

Recep Tayyip Erdoğanın bəyanatı Amnesty International təşkilatının yerli direktoru ilə yanaşı daha 9 nəfərin həbs müddətinin uzadılmasından sonra səslənir.

İdil Eser və daha 7 fəal və iki əcnəbi təlimatçı 5 iyulda keçirilən rəqəmsal və İT idarəçiliyi üzrə təlimlər vaxtı saxlanılıb.

Qrup "silahlı terrorçu təşkilata" üzvlükdə ittiham olunur. Amnesty bildirir ki, söhbətin hansı təşkilat haqqında getdiyi qeyri-aydındır.

Son həbslər Türkiyədə ifadə azadlığının təhlükə altında olduğu barədə narahatlıqlara zəmin yaradıb.

Türkiyə liderinin sözlərinə görə onun ölkəsi sözünə sadiqdir.


Həmçinin oxuyun:


B və C planı

Əgər Aİ "Biz Türkiyəni qəbul edə bilmərik" deyərsə, biz B və C planlarını işə salarıq, - Recep Tayyip Erdoğan deyib.

"Bizim üçün Avropa İttifaqı əvəzedilməz deyil... Biz rahatıq".

"İlk dəfə baş nazir olanda Türkiyə Avropa İttifaqı liderlərinin sammitində sakit inqilabı başa vuran bir ölkə kimi səciyyələndirilmişdi. Hazırda isə həmin Aİ bizi liderlər sammitinə artıq dəvət etmir.

Onlar həmçinin bizim vaxtımızı itirir".

Türkiyə prezidentinin sözlərinə görə türklərin əksəriyyəti "artıq Aİ üzvlüyünü istəmir", və Türkiyə qarşı "qeyri-səmimi" münasibət olduğuna inanır.

"Bunlara rəğmən biz Aİ-ə qarşı daha bir müddət səmimi olmaqda davam edəcəyik", - deyə Recep Tayyip Erdoğan vurğulayıb.

"Görək bu nə ilə başa çatacaq".

Fotonun müəllifi EPA
Image caption Cənab Erdoğanın sözlərinə görə Türkiyə əhalisinin əksəriyyəti "artıq Aİ üzvlüyünü istəmir"

Bu barədə daha geniş