Home
Cynghorau Cynulleidfa
Mae Ymddiriedolaeth y BBC yn cydweithio'n agos gyda Chynghorau Cynulleidfa yn Lloegr, Gogledd Iwerddon, Yr Alban a Chymru. Mae’r cynghorau yma yn helpu Ymddiriedolaeth y BBC i ddeall safbwyntiau, anghenion a phryderon cynulleidfaoedd.
Cynghorau
Mae pedwar Cyngor, yn cwmpasu Cymru, Lloegr, yr Alban, a Gogledd Iwerddon. Aelod o Ymddiriedolaeth y BBC ar gyfer y wlad honno yw cadeirydd pob cyngor. Rôl y Cynghorau yw sicrhau bod amrywiaeth eang o safbwyntiau talwyr ffi'r drwydded yn dylanwadu ar waith yr Ymddiriedolaeth.
Cysylltiadau â'r gymuned
Mae gan y Cynghorau gysylltiadau â llawer o gymunedau gwahanol yn eu gwledydd ac maent yn trefnu rhaglenni allgymorth a gweithgareddau eraill sy'n eu galluogi i gynghori'r Ymddiriedolaeth ar ba mor dda y mae'r BBC yn hybu ei Bwrpasau Cyhoeddus, a pha mor dda y mae'n gwasanaethu talwyr ffi'r drwydded mewn gwahanol rannau o'r DU.
Rôl ymgynghorol
Mae gan y Cynghorau'r hawl o dan y Siarter a'r Cytundeb i ymgynghori ar amrywiaeth o faterion gan gynnwys adolygiadau o drwyddedau gwasanaeth ac unrhyw gynnig sy'n gofyn am brawf gwerth cyhoeddus.
Aelodaeth
Mae gan gynghorau Cymru, yr Alban a Gogledd Iwerddon 12 aelod yr un, gan gynnwys y Cadeirydd. Mae Cyngor Lloegr yn fwy gan ei fod yn cael ei ategu gan rwydwaith o Gynghorau Cynulleidfa Rhanbarthol, un ar gyfer pob rhanbarth darlledu yn Lloegr. Mae Cadeirydd pob Cyngor Rhanbarthol yn aelod o Gyngor Cynulleidfa Lloegr.
Mae aelodau o'r Cyngor yn cael eu recriwtio er mwyn sicrhau eu bod yn adlewyrchu amrywiaeth y DU, bod ganddynt gysylltiadau â chymunedau, a'u bod yn gallu ffurfio barn ar sut y dylid hybu Dibenion Cyhoeddus.
Cylch gwaith
Gellir dod o hyd i gylch gwaith ffurfiol y Cynghorau Cynulleidfa yn y Siarter a'r Cytundeb.
Protocol
Mae Protocol y Cynghorau Cynulleidfa sy'n rhoi manylion llawn am y Cynghorau a'u cyfansoddiad ar gael ar y dudalen Atebolrwydd.
