ကမ္ဘာ့ဖလားမှာ ဘယ်ဂျီယံနဲ့ အင်္ဂလန်တို့ ဆုံတွေ့

  • 2 ဒီဇင်ဘာ 2017
ဓာတ်ပုံ မူပိုင် Getty Images
Image caption ၂၀၁၈ ကမ္ဘာ့ဖလား အုပ်စုများ

ဖီဖာ ကမ္ဘာ့ဖလားပြိုင်ပွဲရဲ့ အုပ်စုအဆင့်ပွဲစဉ်တွေကို မဲနှိုက် အပြီးမှာတော့ ဘယ်ဂျီယံနဲ့ အင်္ဂလန်က အုပ်စု G မှာ အတူကျရောက်ပြီး ယူရိုချန်ပီယံ ပေါ်တူဂီ က စပိန်နဲ့ အုပ်စု B မှာ ဆုံတွေ့မှာ ဖြစ်ပါတယ်။

အိမ်ရှင် ရုရှားအသင်းက အုပ်စု A မှာ အီဂျစ်၊ ဥရုဂွေး၊ ဆော်ဒီအာရေဗျတို့နဲ့ ကစားရမှာ ဖြစ်လို့ နောက်တစ်ဆင့်တက်ဖို့ အခွင့် အရေး များလာခဲ့ပါတယ်။

ကမ္ဘာ့ချန်ပီယံ ဂျာမနီ အသင်းကတော့ မက္ကဆီကို၊ ဆွီဒင်၊ တောင်ကိုးရီးယားတို့နဲ့ ဆုံတွေ့မှာဖြစ်ပြီး အင်္ဂလန်က ဘယ်ဂျီယံ၊ တူနီးရှား၊ ပနားမားတို့နဲ့ အတူကျမှာ ဖြစ်ပါတယ်။

အုပ်စုပွဲတွေ မဲခွဲအပြီးမှာတော့ အုပ်စု D ကအကြိတ်အနယ်ရှိဆုံး အုပ်စု ဖြစ်လာ ဖို့ရှိပါတယ်။

အဲဒီအုပ်စုမှာတော့ အာဂျင်တီးနား၊ ခရိုအေးရှား၊ အိုက်စလန်၊ နိုက်ဂျီးရီးယားတို့ ပါဝင်မှာ ဖြစ်ပါတယ်။

ကမ္ဘာ့ဖလားပြိုင်ပွဲကိုတော့ လာမယ့်နှစ် ဇွန်လ ၁၄ရက်နေ့မှာ စတင်မှာဖြစ်ပြီး အိမ်ရှင် ရုရှားနဲ့ ဆော်ဒီအာရေဗျတို့ ကစားကြမှာ ဖြစ်ပါတယ်။

ဓာတ်ပုံ မူပိုင် Getty Images
Image caption လက်ရှိ ချန်ပီယံ ဂျာမနီ

အုပ်စု A - ရုရှား၊ အီဂျစ်၊ ဥရုဂွေး၊ ဆော်ဒီအာရေဗျ

အုပ်စု B - ပေါ်တူဂီ၊ စပိန်၊ အီရန်၊ မော်ရိုကို

အုပ်စု C - ပြင်သစ်၊ ပီရူး၊ ဒိန်းမတ်၊ သြစတြေးလျ

အုပ်စု D - အာဂျင်တီးနား၊ ခရိုအေးရှား၊ အိုက်စလန်၊ နိုက်ဂျီရီးယား၊

အုပ်စု E - ဘရာဇီးလ်၊ ဆွစ်ဇာလန်၊ ကော်စတာရီကာ၊ ဆားဘီးယား

အုပ်စု F - ဂျာမနီ၊ မက္ကဆီကို၊ ဆွီဒင်၊ တောင်ကိုရီးယား

အုပ်စု G - ဘယ်ဂျီယံ၊ အင်္ဂလန်၊ တူနီးရှား၊ ပနားမား

အုပ်စု H - ပိုလန်၊ ကိုလံဘီယာ၊ ဆီနီဂေါ၊ ဂျပန်