အင်းဝအပ်ချုပ်ဆိုင်အမှု စီရင်ချက် တရားလိုရှေ့နေ ရှင်းပြ
သင့်စက်တွင် ဒီမီဒီယာဖိုင်ကို ဖွင့်၍ မရပါ။

အိမ်အကူ နှိပ်စက်မှု နှစ်ရှည်ထောင်ဒဏ်တွေ ချမှတ်

  • 16 ဒီဇင်ဘာ 2017

အိမ်အကူ မိန်းကလေး ၂ ယောက်ကို ညှဉ်းပန်းနှိပ်စက်မှုနဲ့ တရားစွဲဆိုခံခဲ့ရတဲ့ ရန်ကုန်မြို့ လမ်း ၄၀ က အင်းဝအပ်ချုပ်ဆိုင် မိသားစု ဝင် ၆ ဦး အမှုကို ဒီနေ့ နေ့လယ်ပိုင်းက ရန်ကုန်အနောက်ပိုင်း ခရိုင် တရားရုံးမှာ အပြီးသတ် အမိန့်ချမှတ်ခဲ့ရာမှာ စွပ်စွဲခံရသူ ၄ ဦး နှစ်ရှည် ထောင်ဒဏ်တွေ ချမှတ်ခံခဲ့ရပြီး ၂ ဦးက လွတ်မြောက်ခဲ့ပါတယ်။

အပ်ချုပ်ဆိုင်ပိုင်ရှင် ဒေါ်တင်သူဇာနဲ့ သမီးဖြစ်သူ မစုမွန်လတ်တို့က ထောင်ဒဏ် (၁၆)နှစ် (၁) လ စီ၊ သမက်ဖြစ်သူ ကိုရာဇာထွန်းက ထောင်ဒဏ် (၁၃) နှစ် (၁) လနဲ့ သားဖြစ်သူ ကိုတင်မင်းလတ်က (၉)နှစ် (၁) လ အသီးသီး ပြစ်ဒဏ် ချခံခဲ့ရပါတယ်။

ဖခင် ဖြစ်သူ ဦးကိုလတ်နဲ့ သမီးကြီး ဖြစ်သူ မသီရိလတ်တို့ ၂ ဦးကတော့ စွပ်စွဲခဲ့တဲ့ အမှုတွေမှာ ပြစ်မှု မထင်ရှားလို့ ကွင်းလုံးကျွတ် လွတ်ခဲ့တယ်လို့ သူတို့ ၂ ဦးရဲ့ အကျိုးတော်ဆောင် အထက်တန်းရှေ့နေ ဒေါ်နှင်းဆုအောင် က ဘီဘီစီကို ပြောပါတယ်။