ပါတီ အချင်းချင်း ရိုက်ပွဲဖြစ်

  • 17 အောက်တိုဘာ 2010
USDA
Image caption အစိုးရ ဘဏ္ဍာသုံးပြီး လမ်းခင်း မဲဆွယ် တယ်လို့ ကြံဖွံ့ပါတီ စွပ်စွဲခံရ။

အစ္စလာမ် ဘာသာဝင်တွေကို အခြေခံ ဖွဲ့စည်းထားတဲ့ အမျိုးသား ဖွံ့ဖြိုးတိုးတက်ရေး ဒီမို ကရက် တစ်ပါတီနဲ့ ကြံ့ခိုင်ဖွံ့ဖြိုးရေးပါတီတို့ ရခိုင်ပြည် မောင်တောမြို့ ခမောင်းဆိပ် ကျေးရွာမှာ ရန်ဖြစ် ရိုက်နှက်ခဲ့ကြတဲ့ အတွက် တချို့ ဒဏ်ရာရခဲ့ကြပါတယ်။

မနေ့ညနေပိုင်းက အမျိုးသား ဖွံ့ဖြိုး တိုးတက် ရေး ဒီမို ကရက်တစ် ပါတီရဲ့ စည်းရုံးရေး ဆောင်ရွက်တဲ့ လုပ်ငန်းစဉ်ကို ကြံ့ခိုင်ရေးပါတီက ဝင်ရောက် နှောင့်ယှက် ခဲ့ရာက အပြန်အလှန် ရိုက်နှက်ခဲ့ကြတာလို့ ဆိုပါတယ်။

မြို့နယ် ရွေးကောက်ပွဲ ကော်မရှင်ရဲ့ ပြောပြချက်အရ ကျေးရွာ ၇ ရွာလောက်မှာ သူတို့ နှစ်ပါတီကြား ခိုက်ရန်ဖြစ်ပွားခဲ့ ကြတယ်လို့ ဆိုပါတယ်။

မောင်တောမြို့မှာ အမျိုးသား ဖွံ့ဖြိုး တိုးတက်ရေး ဒီမိုကရက်တစ် ပါတီက အင်အား ကောင်းနေပြီး ကြံ့ခိုင်ဖွံ့ဖြိုးရေး ပါတီက အခြေအနေ သိပ်မကောင်းလို့ မဲမဆွယ်ရဲ အောင် ရန်ရှာ ရိုက်နှက်နေကြတာလို့လည်း ဒေသခံတွေက ဆိုကြပါတယ်။

ကြံ့ခိုင်ဖွံ့ဖြိုးရေး ပါတီဟာ အရင်ကလည်း ဦးအေးလွင် ခေါင်းဆောင်တဲ့ ရှစ်လေးလုံး မျိုးဆက် ကျောင်းသားတွေကို ကြည့်မြင်တိုင် မြို့နယ်မှာ ရိုက်နှက်ခဲ့ ဖူးပါတယ်။

ဒေါ်အောင်ဆန်း စုကြည် ဦးဆောင်တဲ့ စည်းရုံးရေး အဖွဲ့ကိုလည်း ၂၀၀၃ ခုနှစ် တုန်းက ဒီပဲယင်း မြို့နယ်မှာ ရိုက်နှက် သတ်ဖြတ်ခဲ့တယ်လို့ စွပ်စွဲခံခဲ့ရ ပါတယ်။