နောက်ဆုံး ရေးသားချိန် 23 နိုဝင်ဘာလ 2011 - 17:40 GMT

မြန်မာပုဂ္ဂလိကဘဏ်တွေ နိုင်ငံခြားမှ ငွေလွှဲခွင့် ရတော့မယ်

နိုင်ငံခြားရောက်နေတဲ့ သူတွေက မြန်မာနိုင်ငံ ကို တရားဝင် ငွေလွှဲနိုင်တော့မယ်

မြန်မာနိုင်ငံ ဗဟိုဘဏ်ကနေ ပုဂ္ဂလိကဘဏ် ၁၁ ခုကို နိုင်ငံခြားငွေ လဲလှယ် လွှဲပြောင်း ခွင့်တွေ ပေးတော့မှာ ဖြစ်တယ်လို့ သိရပါ တယ်။

နိုင်ငံခြားငွေ လဲလှယ် လွှဲပြောင်းခွင့် ရရှိမယ် ဆိုရင် နိုင်ငံခြားကုန်သွယ်မှုမှာ သက်ဆိုင်ရာ နိုင်ငံ က ဘဏ် တွေနဲ့ တိုက်ရိုက် ငွေလွှဲတာတွေ လုပ်နိုင် တော့မှာ ဖြစ်ပါတယ်။

နိုင်ငံခြားရောက်နေတဲ့ သူတွေကလည်း မြန်မာ နိုင်ငံကို ငွေအလွှဲ အပြောင်းတွေ လုပ်နိုင်မှာ ဖြစ်တယ်လို့ ကမ္ဘောဇဘဏ် ဒုတိယဥက္ကဌ (၂) ဦးသန်းလွင်က ဘီဘီစီကို ပြောပြပါတယ်။

နောက်ပိုင်း ဖြစ်ပေါ်လာမယ့် အစုရှယ်ယာ စျေးကွက်ကိုလည်း အထောက်အကူ ဖြစ်နိုင်တယ် လို့ ဦးသန်းလွင်က ပြောပါတယ်။

ကမ္ဘောဇဘဏ်၊ အာရှစိမ်းလန်းရေး ဖွံ့ဖြိုးမှုဘဏ်၊ ဧရာဝတီဘဏ်၊ မြန်မာ့ရှေ့ဆောင်ဘဏ်၊ မြဝတီဘဏ်၊ အင်းဝဘဏ် အစရှိတဲ့ ပုဂ္ဂလိက ဘဏ် ၁၁ ခုက ခွင့်ပြုချက် ရရှိကြမှာ ဖြစ်ပါ တယ်။

တချိန်တည်းမှာပဲ နိုင်ငံခြားငွေလဲနှုန်း တခုတည်း ဖြစ်ရေးကိုလည်း နိုင်ငံတကာ ငွေကြေး ရန်ပုံငွေအဖွဲ့ IMF နဲ့ ညှိနှိုင်းဆောင်ရွက်နေကြောင်း ဦးသန်းလွင်က ပြောပါတယ်။

BBC navigation

BBC © 2014 ပြင်ပ အင်တာနက်ဆိုက်များတွင် ပါဝင်သော အကြောင်းအရာ များကို ဘီဘီစီကတာဝန် မယူပါ

ဤစာမျက်နှာကို CSS ဖွင့်ထားသော နောက်ဆုံးပေါ် internet browserနဲ့ အကောင်းဆုံး ကြည့်နိုင်ပါတယ်။ အကောင်းဆုံး ကြည့်နိုင်ဖို့ ကိုယ့် browser ကို အဆင့်မြှင့်နိုင်ရင်မြှင့်ပါ၊ CSS ကိုဖွင့်ထားရင်လည်း အဆင်ပြေနိုင်ပါတယ်။