BBC navigation

ပြည်ခိုင်ဖြိုးပါတီ ဥက္ကဌအဖြစ် သမ္မတဦးသိန်းစိန်ကို ပြန်ရွေး

နောက်ဆုံး ရေးသားချိန် 16 အောက်တိုဘာလ 2012 - 16:22 GMT
U Thein Sein

ပါတီ ဒုတိယ ဥက္ကဌ သူရ ဦးရွှေမန်း အပါအဝင် နောက်ထပ် ဒုဥက္ကဌ အသစ်နှစ်ဦးကိုလည်း ခန့်အပ်ခဲ့

နေပြည်တော်မှာ ကျင်းပနေတဲ့ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ ပထမ အကြိမ် ညီလာခံ ကနေ နိုင်ငံတော် သမ္မတဦးသိန်းစိန် ကို ပါတီ ဥက္ကဋ္ဌ အဖြစ် ပြန်လည် ရွေးချယ်ခဲ့ ပါတယ်။

ပါတီ ဒုတိယ ဥက္ကဌတွေ အဖြစ် သူရ ဦးရွှေမန်း အပါအဝင် နောက်ထပ် ဒုဥက္ကဌ အသစ် နှစ်ဦး အဖြစ် သူရ ဦးအေးမြင့်နဲ့ ဦးဌေးဦးတို့ ကို ရွေးချယ် ခန့်အပ်ခဲ့ ပါတယ်။

ဗဟို ကော်မတီဝင် ၂၂၅ ဦးနဲ့ အရံ ဗဟိုကော်မတီဝင် ၇၅ ဦးကိုလည်း ရွေးချယ်ခဲ့ တယ်လို့ သိရပါတယ်။

ဒါ့အပြင် ပါတီအောင်မြင်ရေးအတွက် အကြံဉာဏ်များ ပေးနိုင်ဖို့ ပါတီ အတိုင်ပင်ခံ အဖွဲ့သစ် တခုကို ဖွဲ့စည်း လိုက်ပြီး အဲဒီ အဖွဲ့မှာ ဦးအောင်သောင်း၊ ဦးစိုးသာ နဲ့ ဦးတင်ထွတ်တို့ ပါဝင်ကြ ပါတယ်။

သမ္မတ ဦးသိန်းစိန် ကတော့ အခုလက်ရှိ အစိုးရ လုပ်ငန်း တာဝန်တွေ ထမ်းဆောင် နေရ တာကြောင့် ပါတီ လုပ်ငန်းတွေ အတွက် သူရ ဦးရွှေမန်း ကပဲ ဥက္ကဋ္ဌ တာဝန် တွေကို ပူးတွဲယူ သွားမယ် လို့ ညီလာခံက ထုတ်ပြန်တဲ့ ကြေညာချက် ထဲမှာ ဖေါ်ပြထား ပါတယ်။

ဒီသတင်းနဲ့ ပတ်သက်သမျှ

BBC © 2014 ပြင်ပ အင်တာနက်ဆိုက်များတွင် ပါဝင်သော အကြောင်းအရာ များကို ဘီဘီစီကတာဝန် မယူပါ

ဤစာမျက်နှာကို CSS ဖွင့်ထားသော နောက်ဆုံးပေါ် internet browserနဲ့ အကောင်းဆုံး ကြည့်နိုင်ပါတယ်။ အကောင်းဆုံး ကြည့်နိုင်ဖို့ ကိုယ့် browser ကို အဆင့်မြှင့်နိုင်ရင်မြှင့်ပါ၊ CSS ကိုဖွင့်ထားရင်လည်း အဆင်ပြေနိုင်ပါတယ်။