မန္တလေးနဲ့ စာပေ ပွဲတော်

  • 16 ဖေဖော်ဝါရီ 2014
irrawaddy ဓာတ်ပုံ မူပိုင် Nay Lin BBC
Image caption မူလ စီစဉ်သလို ကုသိုလ်တော်မှာ မကျင်းပနိုင်

မန္တလေးမြို့မှာ ကျင်းပတဲ့ ဧရာဝတီ စာပေ ပွဲတော် ပြီးစီး သွားပြီ ဖြစ်ပါတယ်။

စာပေ ပွဲတော် နောက်ဆုံးနေ့မှာ လူစိတ်ဝင်စားတဲ့ အစီအစဉ် တခုက မန္တလေး နှစ် ၁၅ဝ ပြည့် ဆွေးနွေးပွဲ ဖြစ်ပြီး အိန္ဒိယ စာရေး ဆရာမ Sudha Shah က သူ့ရဲ့ နာမည်ကြီး The King in Exile သီပေါမင်းရဲ့ ဘဝ အတ္ထုပ္ပတ္တိ စာအုပ် အကြောင်း ဆွေးနွေးခန်းမှာ သီပေါမင်းရဲ့ မြေး အသက် ၉ဝ အရွယ် တော်ဘုရား ကို ဖိတ်ခေါ် ဆွေးနွေး စေခဲ့ပါတယ်။

နောက် ထူးခြားတဲ့ ခေါင်းစဉ် တခုကတော့ ရန်ကုန်မြို့ကို ကယ်ဆယ်ခဲ့တဲ့ အမြောက်ကြီး ဖြစ်ပါတယ်။

၁၉၄၉ ခုနှစ်က ကရင် လက်နက်ကိုင် တွေကို ခုခံခဲ့တဲ့ မြန်မာ ရေတပ် သင်္ဘော ပေါ်က တံမြက်စည်း လေယာဉ်ပစ် အမြောက်ကြီး အကြောင်း စာရေးဆရာ မြို့မလွင်က ဆွေးနွေးခဲ့တာ ဖြစ်ပါတယ်။

ဒေါ်အောင်ဆန်းစုကြည် အတ္ထုပ္ပတ္တိ ရေးဆရာ Peter Popham က သူ့အတွေ့အကြုံတွေ ဝေငှတာနဲ့ တခြား စိတ်ဝင်စား စရာ ကဏ္ဍ တွေလည်း ပါဝင်ပါတယ်။

ဒီပွဲ တက်ရောက်ခဲ့တဲ့ ဝင်ဒီလောရုံနဲ့ ပါစကယ် ခူးသွယ် တို့ရဲ့ မိသားစု အတ္ထုပ္ပတ္တိ စာအုပ် တွေကို မြေမှုန်လွင်ရဲ့ ငါတို့စာပေက ဘာသာပြန်ဆို ထုတ်ဝေ သွားမယ် လို့လည်း ကြေညာထား ပါတယ်။

ဒီသတင်းနဲ့ပတ်သက်သမျှ