ယာဉ်တိမ်းမှောက်မှုကြောင့် ၉ ယောက်သေ

highway ဓာတ်ပုံ မူပိုင်
Image caption အမြန်လမ်း မကြီးမှာ ယာဉ်တိုက်မှု မကြာခဏ ဖြစ်ပွား

နေပြည်တော် - မန္တလေး အမြန်လမ်းမှာ မတ်လ ၆ ရက် မနက် အစောပိုင်းက ဘုရားဖူးယာဉ် တစီး တိမ်းမှောက် ခဲ့ပြီး လူကိုးဦး သေဆုံး သွား ပါတယ် ။

ရန်ကုန် က နေလားရှိုး ကို အသွားမှာ အခု လို ယာဉ်တိုက်မှု ဖြစ်ပွားပြီး အခု နှစ်အတွင်း အသေအပျောက် အများဆုံး ယာဉ်တိုက် မှု ဖြစ် တယ်လို့ အမြန်လမ်း ရဲတပ်ဖွဲ့ ကပြောပါ တယ်။

ယာဉ်တိုက်မှု ဖြစ်တဲ ကားကတော့ အမြန်လမ်း မကြီးမှာ ယာဉ်တိုက်မှုတွေ မကြာခဏ ဖြစ်လို့ မမောင်းသင့် ဘူး လို့ ဝေဖန်မှုတွေရှိနေတဲ့ လိုက်ထရပ်ကားပါ ။

အဲဒီ ကားဟာ လူ ၂၆ ယောက် တင်လာပြီး လားရှိုး ကို ဘုရားဖူး သွားတာပါ။

မနက် ၆ နာရီ လောက် မိုင်တိုင် ၃၂၃ အနီး မှာ ယာဉ်တိုက် မှု ဖြစ်ပွားပြီး ယာဉ်မောင်း အပါဝင် အမျိုးသား ၃ ဦး၊အမျိုးသမီး ၆ ဦး စုစုပေါင်း ၉ ဦး သေဆုံးသွား ခဲ့ကြောင်း အမြန်လမ်း ရဲတပ်ဖွဲ့ ပြင်စည် အမြန်လမ်းမကြီး ရဲအရာရှိ တဦးက ရှင်းပြပါတယ်။

ကားပေါ် ပါလာသူတွေမှာ တဦးပဲ ဒဏ်ရာမရတာ ဖြစ်ပြီးတော့ ဒဏ်ရာ ရသူ ၁၆ ဦး ထဲမှာ စိုးရိမ် ရတဲ့ လူနာ ၈ ဦးလောက် ရှိတယ် လို့လည်း သူက ပြောပါတယ်။

အစိုးရ က သတိ ပေးမှုတွေလုပ်ပေမယ့် ယာဉ်တိုက်မှု ဖြစ်ရတဲ့ ပြဿနာ တွေ အဓိက ဇာစ်မြစ် ကတာ့ မဖြေရှင်းနိုင် သေးပါ ဘူး။

ဒါ့အပြင် အမြန်လမ်းမကြီး ရဲ့ အားနည်း ချက် ကြောင့်လို့ ပြောပေမယ့် လမ်းပေါ် မှာ ကီလိုတရာ ထက် ပိုမမောင်းရ သတ်မှတ်ချက်ကို အများစုက လိုက်နာခြင်း မရှိ ကြပါ ဘူး ။

၂ဝဝ၉ ခုနှစ် မတ်လ က ဖွင့်လှစ်ခဲ့တဲ့ ရန်ကုန်- နေပြည်တော် - မန္တလေး အမြန် လမ်းမကြီးဟာ အခု ဆိုရင် ဒီလမ်းပေါ်မှာ ယာဉ်တိုက် မှုကြောင့် သေဆုံးသူ ၆ဝဝ နီးပါး ရှိပြီ လို့လည်း သိရပါတယ် ။

ဒီသတင်းနဲ့ပတ်သက်သမျှ