NLD အစိုးရသစ် ဘယ်သူတွေပါလာနိုင်လဲ

  • 15 မတ် 2016
suu ဓာတ်ပုံ မူပိုင် EPA
Image caption ဒေါ်အောင်ဆန်းစုကြည် နိုင်ငံခြားရေး ဝန်ကြီး နေရာယူမယ် ခန့်မှန်း

ဒေါ်အောင်ဆန်း စုကြည် ဦးဆောင်တဲ့ NLD ပါတီ သမ္မတ အဖြစ် ဦးထင်ကျော် ကို ရွေးချယ် ခဲ့ပြီးနောက် အစိုးရသစ် မကြာခင် ဖွဲ့စည်း တော့မှာ ဖြစ်ပါ တယ်။

ဒေါ်အောင်ဆန်း စုကြည် အနေနဲ့ ကာလုံ အစည်းအဝေး တက်ခွင့် ရအောင် စစ်တပ်နဲ့ ရင်းနှီးမှု ရအောင် နိုင်ငံခြားရေး ဝန်ကြီး တာဝန် နဲ့ အစိုးရ ဝန်ကြီး ဌာန တိုင်းနဲ့ ဆက်စပ် လုပ်နိုင်တဲ့ သမ္မတရုံး ဝန်ကြီး အဖြစ် လည်း ပူးတွဲ တာဝန်ယူမယ် လို့ နိုင်ငံရေး အကဲခတ် အသိုင်းအဝိုင်း မှာ ပြောနေပါတယ်။

အစိုးရ သစ် မှာ ဝန်ကြီးတွေ ခန့်မယ်သူ တွေလို့ ပြောဆိုသံတွေ လည်း ထွက်နေပါတယ်။

အစိုးရသစ် မှာ လက်ရှိ ဝန်ကြီး ဌာန ၃၆ ခုရှိတဲ့အထဲက ၂ဝ ကျော်ပဲ ထားတော့မယ်၊ တချို့ ပယ်ဖျက်မယ်၊ တချို့ ပေါင်းမယ် လို့ NLD တာဝန်ရှိသူ တွေက ပြောပါတယ်။

သမ္မတရုံး ဝန်ကြီးဌာန ၆ ခု ကို တခုတည်း ထားမယ် ဆိုပြီးတော့ လည်း ပြောဆိုမှုတွေ ရှိနေပါတယ်။

လယ်ယာ ဆည်မြောင်း နဲ့ မွေးရေ ဝန်ကြီး ဌာန တို့ကို ပေါင်းမယ်။ သမဝါယမ၊ လူဝင်မှု ကြီးကြပ်ရေး အစရှိတဲ့ ဝန်ကြီးဌာန တွေကို တခြား ဝန်ကြီးဌာနဲ့ ပေါင်းမယ် ဆိုပြီး သတင်းတွေ ထွက်နေပါတယ်။

ပြန်ကြားရေး ဝန်ကြီးဌာန ကိုလည်း တခြားဌာန တွေနဲ့ ပေါင်းမယ် ပြင်မယ် လို့ ပြောဆိုမှုတွေ လည်း ရှိနေပါတယ်။

ကျန်းမာရေးနဲ့ ပညာရေး ဝန်ကြီး ဌာနတွေ ကိုတော့ အများ ပြည်သူတွေ အတွက် ပိုမို အားထား လာရအောင် လုပ်ဆောင် သွားဖို့ ရှိတယ်လို့ ပြောဆိုမှုတွေ ရှိနေပါတယ်။

ကျန်းမာရေး ဝန်ကြီး အဖြစ် NLD ကျန်းမာရေး ကော်မတီ ဥက္ကဋ္ဌ ဒေါက်တာ တင်မျိုးဝင်း ကို တာဝန် ပေးမယ် လို့ သတင်းတွေ ထွက်နေပါတယ်။ ဒေါက်တာ တင်မျိုးဝင်း ကတော့ မလုပ်ဖို့ ငြင်းဆိုထားပြီး တိုင်းရင်းသား ငြိမ်းချမ်းရေး အတွက်ပဲ လုပ်မယ်လို့ ပြောပါတယ် ။

ပြန်ကြားရေးကို ဝန်ကြီးဌာန ဖြစ်ဖြစ် ဦးစီးဌာန ဖြစ်ဖြစ် တာဝန် ပေးမယ့်သူ ကတော့ မုံရွာအောင်ရှင် ဆိုပြီး နာမည် ထွက်နေ ပါတယ်။ မုံရွာ အောင်ရှင် ကတော့ တာဝန် ပေးတာ ကို ထမ်းဆောင်မယ် လို့ ပြောပါတယ် ။

သမ္မတ ဦးထင်ကျော် အစိုးရ အဖွဲ့ ကို မကြာခင်မှာ ဖွဲ့စည်းမှာ ဖြစ်ပြီး အခုလ ၃ဝ ရက်နေ့မှာ သမ္မတ ဦးသိန်းစိန် ဆီကနေ အာဏာ လွှဲပြောင်းယူမှာ ဖြစ်ပါတယ်။

ဒီသတင်းနဲ့ပတ်သက်သမျှ