နောက်ဆုံး ရေးသားချိန် 10 သြဂုတ်လ 2011 - 16:50 GMT

ပွဲပျက်ရတဲ့ ဘောလုံးပရိသတ်ကို ဘယ်လိုထိန်းမလဲ

မီဒီယာ ပလေးယား

မြန်မာဘောလုံးအသင်းနဲ့ အိုမန်ဘောလုံးအသင်းတို့ ဇူလိုင်လကုန်ပိုင်းက ကမ္ဘာ့ဖလား အာရှဇုံ ခြေစစ်ပွဲကစားကြရာမှာ မြန်မာ ဘောလုံးပရိတ်သတ်ကို ထိန်းမရလို့ ပွဲမပြီးဘဲ ဘောလုံးပွဲကို ရပ်ခဲ့ရပါတယ်။

ဒီလို မြန်မာဘောလုံးပရိသတ်ရဲ့ အပြုအမူဟာ နိုင်ငံတကာ အားကစားလောကမှာ အရှက်ရစရာ ဖြစ်ခဲ့ရပါတယ်။

နိုင်ငံတကာဘောလုံးအဆင့်အတန်းကို မှီအောင် ကြိုးစားနေချိန်မှာ ဘောလုံးပရိတ်သတ်အနေနဲ့ စည်းကမ်းရှိရှိ အားမပေးသင့်ဘူးလား။

ဘောလုံးကွင်းထဲမှာ ပရိတ်သတ်ရဲ့ အပြုအမူကို ဘယ်လိုထိန်းသိမ်းသင့်တယ်လို့ ထင်ပါသလဲ။

သောတရှင်တွေရဲ့ အတွေးအမြင်တွေကို ဗုဒ္ဓဟူးနေ့ည လွတ်လပ်အတွေးအစီအစဉ်မှာ ပါဝင်ဆွေးနွေးခဲ့ကြရာမှာ သောတရှင်တွေနဲ့အတူ အားကစားကလောင်ရှင် ဦးဇော်မျိုးသန့်လဲပါဝင်ဆွေးနွေးထားပါတယ်။

အီးမေးနဲ့ဆွေးနွေးသူများ

လူထုရဲ့လွတ်လပ်မှုကိုလည်း နားမလည်၊ လူထုအပေါ် မျှတမှုကိုလည်း ကျင့်မသုံး ဆက်မဆံဘဲနဲ့ စည်းကမ်းရှိသော ဒီမိုကရေစီလို့ ပါးစပ်မှာ အမြှုပ်တစီစီနှင့် အော်လာခဲ့သမျှဟာ နောက်ဆုံးအကျိုးဆက် ရလာဒ်က အဲဒီဘော်လုံးပွဲမှာ သက်သေခံနေတာပါဘဲ။ လူထုလွတ်လပ်မှုကိုဖွင့်ပေးမှ၊ လူထုအပေါ်မျှမျှတတဆက်ဆံမှဘဲ လူထုရဲ့အသိစိတ်က ကောင်းသောအမြင်ဝါဒ တရားမျှတသော ခံယူချက်ဖြင့် ပြန်လည်ထင်ဟပ်လာမည်ဖြစ်ပါတယ်။

ခွန်ပိုပို ထိုင်း

ဘောလုံးပွဲကမရိုးသားဘူး။ ပရိသတ် ဝိတ်ယူပြီး ပွဲဆူအောင် လုပ်ထားတယ်။ ဘောလုံးကွင်းထဲမှာ ပွဲဆူအောင် အရက် ဘီယာ ရောင်းပေးထားတယ်။ သွေးဆွထားတယ်။ လူတွေကိုလဲ ဒေါသဖြစ်အောင်လုပ်ထားတယ်။ နောက်မှ ပရိသတ်ကို မနိုင်ဖြစ်သွားတာ။

ရန်ကုန်က သောတရှင်တဦး

မြန်မာ ဘောလုံးပွဲပရိတ်သတ်ကော၊ မြန်မာဘောလုံးသမားများကော အလိုအပ်ဆုံးအရာက မှန်ကန်တဲ့ နိုင်ငံဂုဏ်မြှင့်တင်ရေး အားကစားစိတ်ဓါတ်တွေကို အမြဲမွေးမြူနိုင်ကြဖို့ဘဲ ဖြစ်ပါတယ်။
အိမ်ရှင်မြန်မာနိုင်ငံမှာဖြစ်ပြီးသွားတဲ့..ပရိတ်သတ်ရဲ့သိက္ခာမဲ့၊ အရှက်ရစရာ လုပ်ရပ်တွေကိုပြန်ကြည့်ရင်...ဗိုလ်ချုပ်အောင်ဆန်းပြောတဲ့...တလွဲဆံပင်ကောင်းတဲ့..မြန်မာတွေဖြစ်နေတာအမှန်ပါဘဲ။

အဝေးရောက်မြန်မာနိုင်ငံသား

နားဆင်ပြီးတခုခုပြောလိုရင် ဘီဘီစီကို email နဲ့ဖြစ်စေ ဖုန်းနဲ့ဖြစ်စေ ဆက်သွယ်နိုင်ပါတယ်။

burmese@bbc.co.uk ကို ဆယ်သွယ်နိုင်သလို တယ်လီဖုန်းနဲ့ဆိုရင် ၀၀၄၄၂၀၇ ၅၅၇ ၁၇၆၄ ကိုဆက်ပြီး ကိုယ်ပြောလိုတဲ့ အကြောင်းအရာ၊ ကိုယ်နေတဲ့ နိုင်ငံနဲ့ တယ်လီဖုန်း နံပါတ်ကို ပြောထားခဲ့ရင် ဘီဘီစီက ပြန်ဆက်သွယ်ပါမယ်။

အောက်ပါကွက်လပ်ကို ဖြည့်ပြီးလဲ ပြန်ပို့နိုင်ပါတယ်။

Myanmar3 ဖောင့်နှင့် ကီးဘုတ် ဒီနေရာမှာ ရယူနိုင်ပါတယ်။

ဆက်သွယ်ရန်

* မဖြည့်မဖြစ် အကွက်တွေကို ပြနေပါတယ်

စာလုံးအရေအတွက်:0

BBC navigation

BBC © 2014 ပြင်ပ အင်တာနက်ဆိုက်များတွင် ပါဝင်သော အကြောင်းအရာ များကို ဘီဘီစီကတာဝန် မယူပါ

ဤစာမျက်နှာကို CSS ဖွင့်ထားသော နောက်ဆုံးပေါ် internet browserနဲ့ အကောင်းဆုံး ကြည့်နိုင်ပါတယ်။ အကောင်းဆုံး ကြည့်နိုင်ဖို့ ကိုယ့် browser ကို အဆင့်မြှင့်နိုင်ရင်မြှင့်ပါ၊ CSS ကိုဖွင့်ထားရင်လည်း အဆင်ပြေနိုင်ပါတယ်။