ဟိမဝန္တာ တောင်ပေါ်က တိဘက် ကိုရင်လေးများ

  • 10 ဇန်နဝါရီ 2017
ဓာတ်ပုံ မူပိုင် Cathal McNaughton/REUTERS
Image caption နေပူစာ လှုံနေကြတဲ့ ကိုရင်လေးတွေ

ဟိမဝန္တာ တောင်ကြီးပေါ်က ၁၅ ရာစု ရှေးဟောင်း သစ်ဆေးကျောင်းကြီးမှာ နီညိုရောင် သင်္ကန်းရုံထားတဲ့ ကိုရင်လေးတွေကို တွေ့ရပါတယ်။

တောင်ကြား အမြင့်ကြီးတွေ နယ်မြေလို့ သိကြတဲ့ လာဒက် ဒေသဟာ အိန္ဒိယနဲ့ ပါကစ္စတန်ကြား ပိုင်ဆိုင်မှု အငြင်းပွားနေကြတဲ့ ကက်ရှ်မီးယား နယ်က အိန္ဒိယ ပိုင်နက်ထဲမှာ တည်ရှိပါတယ်။

ပေ ၉ဝဝဝ ကျော် မြင့်ပြီး ကျောက်စွန်းမှာ တွဲလဲ ခိုနေတဲ့ ဒီကျောင်းဖြူဖြူတွေ ကနေ မျှော်ကြည့်ရင် အိန္ဒု မြစ်ဝှမ်း တခွင်တပြင်ကို တခမ်းတနား တွေ့ရပါတယ်။

ဒီမှာ ဦးထုပ်ဝါ ဂိုဏ်းလို့ ခေါ်တဲ့ တိဘက် ဘုန်းတော်ကြီးတွေ သီတင်းသုံး ကြပါတယ်။

ဓာတ်ပုံ မူပိုင် Cathal McNaughton/REUTERS
Image caption ဆုတောင်းတဲ့ ရောင်စုံအလံတွေ တလူလူနဲ့ ကျောင်းတော်တခု
ဓာတ်ပုံ မူပိုင် Cathal McNaughton/REUTERS
Image caption ကျောင်းခေါင်မိုးပေါ်က ကိုရင်တွေ

တိဘက်ကို တရုတ်က ဝင်သိမ်းပြီးနောက် တိဘက် ဗုဒ္ဓဘာသာဟာ ပြည်ပြေးတွေနဲ့အတူ နေရပ်က စွန့်ခွာခဲ့ရပါတယ်။

အိန္ဒိယကို ရောက်သွားတဲ့ တိဘက်တွေဟာ မိသားစုထဲက အနည်းဆုံး ကလေးတယောက်ကို ဘုန်းကြီးကျောင်း ပို့ပြီး ဘာသာ စာပေနဲ့ ယဉ်ကျေးမှုတွေကို သင်ကြား စေပါတယ်။

ဓာတ်ပုံ မူပိုင် Cathal McNaughton/REUTERS
Image caption ကင်မရာကို စူးစမ်းနေတဲ့ ကိုရင်
ဓာတ်ပုံ မူပိုင် Cathal McNaughton/REUTERS
Image caption ရှေးကျောင်းထဲက ကိုရင်ငယ်
ဓာတ်ပုံ မူပိုင် Cathal McNaughton/REUTERS
Image caption ရှေးကျောင်းထဲက ကိုရင်ငယ်

ရုပ်ပုံတွေ၊ ဘီးစကြာတွေ၊ အလံတွေ စတဲ့ မြင်ထောက်ကူ ပစ္စည်းတွေ သုံးပြီး ရှင်းပြတာကို တိဘက် ဗုဒ္ဓဘာသာမှာ တွေ့ရတတ်ပါတယ်။

ရုပ်ကမ္ဘာ လောကကြီးမှာ ဘာသာတရားရဲ့ ကြီးစိုးမှုကို ဒီအရာတွေက အမြဲ သတိပြုစေပါတယ်။

ဓာတ်ပုံ မူပိုင် Cathal McNaughton/REUTERS
Image caption ပျော်ရွှင်နေတဲ့ ကိုရင်များ

ဗုဒ္ဓဘာသာဟာ လူတယောက်ချင်းရဲ့ စိတ်ဝိဉာဉ်ပိုင်း တိုးတက်မှုကို အလေးထားတဲ့ ဘာသာပါ။

ဘဝရဲ့ အကြောင်းရင်း သစ္စာကို ရှာတွေ့ဖို့ အလေးထားတဲ့ ဒီဘာသာဝင်တွေ အတွက် နတ်တွေ သိကြားတွေကို ကိုးကွယ်လေ့ မရှိကြပါဘူး။

ဓာတ်ပုံ မူပိုင် Cathal McNaughton/REUTERS
Image caption ကျောင်းလွှတ်ချိန်မှာ ပြေးလွှား ဆော့ကစား
ဓာတ်ပုံ မူပိုင် Cathal McNaughton/REUTERS
Image caption အားလပ်ချိန်မှာ ကစားမယ်