ဟေတီငလျင် အမျိုးသမီးတွေ ဒုက္ခတွေ့

  • 7 အောက်တိုဘာ 2010

အမေရိကန် အကူအညီပေးရေး အဖွဲ့တစ်ဖွဲ့ဖြစ်တဲ့ နိုင်ငံတကာဒုက္ခသည်ကူညီရေး Refugees International က ပြီးခဲ့တဲ့ ၁၀ လက ငလျင်ဒဏ် အကြီးအကျယ် ခံခဲ့ရတဲ့ ဟေတီနိုင်ငံက ဒုက္ခသည်တွေကို ကူညီပေးနေတဲ့ ကုလသမဂ္ဂရဲ့ အကူအညီပေးရေး လုပ်ငန်းစဉ်တွေအပေါ် ပြင်းပြင်းထန်ထန် ဝေဖန်လိုက်ပါတယ်။

ဟေတီနိုင်ငံက ကုလသမဂ္ဂ ပြောခွင့်ရသူကလည်း ဒီပြဿနာက ကြီးလွန်းလို့ ကာကွယ်ပေးဖို့ အကူအညီတွေလိုတယ်လို့ ဘီဘီစီကို ပြောပါတယ်။ ဒါမှမဟုတ်ရင်လည်း ဒီစခန်းတွေကို ဖျက်ပစ်လိုက်မှ အဓမ္မကျင့်မှုတွေ ပျောက်မယ်လို့ ဆိုပါတယ်။

အမေရိကန်ဒေါ်လာ ၇၇၇ သန်း သုံးရမယ့် စီမံကိန်းတွေအတွက် ရန်ပုံငွေ သန်း ၄၆၀ တော့ ရပါပြီ။ အခု တကယ့်အရေးကြီးတဲ့ မဟာဗျူဟာ လုပ်ငန်းစဉ်တွေဖြစ်တဲ့ အိမ်ရာတွေ ပြန်ဆောက်ဖို့၊ အပျက်အစီးတွေ ရှင်းလင်းဖို့နဲ့ အလုပ်အကိုင်တွေ ဖန်တီးဖို့ လုပ်မှာပါလို့ ဟေတီနိုင်ငံဆိုင်ရာ ကုလသမဂ္ဂ အထူးကိုယ်စားလှယ် အမေရိကန် သမ္မတဟောင်း ဘီလ်ကလင်တန် က ပြောပါတယ်။