အာဖဂန်က တိုးတက်မှုတွေ အိုဘားမားပြော

  • 4 ဒီဇင်ဘာ 2010
Afghanistan
Image caption အာဖဂန်မှာ တိုးတက်မှုတွေ ရတယ်လို့ အိုဘားမားပြော

အာဖဂန် နစ္စတန်က တာလီဘန် စစ်ဆင် ရေးမှာ အရေးပါတဲ့ တိုးတက်မှုတွေ ရရှိနေတယ်လို့ အာဖဂန်က အမေရိကန် စစ်မှုထမ်းတွေကို သမ္မတ အိုဘားမားက ပြောလိုက်ပါတယ်။

သမ္မတ အိုဘားမားဟာ အာဖဂန် နစ္စတန်ကို ကြိုတင် မကြေငြာဘဲ အလည်အပတ် ရောက်ရှိ လာခဲ့ပါတယ်။

ကာဘူးမြို့ အပြင်ဘက်က ဘာဂရမ် လေတပ် စခန်းမှာ အမေရိကန် စစ်မှုထမ်းတွေနဲ့ တွေ့ဆုံပြီး မိန့်ခွန်းပြောရာမှာ တာလီဘန်တွေ ထိန်းချုပ်နိုင်တဲ့ နယ်မြေတွေ နည်းနည်းလာနေတယ်လို့ သမ္မတအိုဘားမားက ပြောပါတယ်။

အမေရိကန်တပ်ဖွဲ့ဝင်တွေရဲ့ စွန့်လွှတ် အနစ်နာခံမှုတွေကို ချီးမွမ်းပြောကြားခဲ့ပြီး ရှေ့လျှောက် အခက်အခဲတွေနဲ့ ဆက်ရင်ဆိုင်နေရဦးမှာ ဖြစ်တယ်လို့ အိုဘားမားက ပြောပါတယ်။

သမ္မတ အိုဘားမားဟာ အာဖဂန် သမ္မတ ဟာမစ် ခါဇိုင်းနဲ့ တွေ့ဆုံဖို့ ရှိပေမဲ့ ရာသီဥတု မကောင်းတဲ့ အတွက် ကာဘူးကို မသွားနိုင်ဘဲ တယ်လီဖုန်းကဘဲ ဆက်သွယ် စကား ပြောခဲ့ပါတယ်။

ဒီအတောအတွင်းမှာ အမေရိကန် အစိုးရက အာဖဂန် ဗျူဟာကို ပြန်လှန် သုံးသပ်ထားတဲ့ အစီရင်ခံစာ တစောင်ကို ထုတ်ပြန်ဖို့ ပြင်နေပြီး မနှစ်က အာဖဂန်ကို တပ်တွေ ထပ်မံ စေလွှတ်ခဲ့တာ တိုးတက်မှု ရှိမရှိကို ဒီအစီရင်ခံစာမှာ လေ့လာ ဆန်းစစ်ထားတယ်လို့ ခန့်မှန်းရပါတယ်။