နောက်ဆုံး ရေးသားချိန် 25 သြဂုတ်လ 2011 - 01:17 GMT

ရုရှား လူမဲ့ ကုန်တင် အာကာသယာဉ် ပျက်ကျ

အာကာသယာဉ် တမျိုး

နိုင်ငံတကာ အာကာသ စခန်းကို လွှတ်တင်လိုက်တဲ့ ရုရှားက ကုန်တင် အာကာသယာဉ် တစင်းဟာ စခန်းကို မရောက်ဘဲ ပျက်ကျသွားပါတယ်။

ဒါဟာ နှစ်ပေါင်းသုံးဆယ်ကျော် အတွင်း ပထမဆုံး အကြိမ် ဖြစ်ခဲ့တာပါ။

အဲဒီ လူမပါတဲ့ အာကာသယာဉ်ဟာ ဂြိုလ်ပတ် လမ်းကြောင်းထဲ မရောက်ဘဲ မွန်ဂိုလီးယားနဲ့ တရုတ် နယ်စပ်နားက ရုရှားရဲ့ ဆာဘီယန်း ဒေသက Altai အယ်တိုင်း အရပ်မှာ ပျက်ကျ သွားခဲ့ တယ်လို့ ရုရှားနဲ့အ မေရိကန် အာကာသ ဆိုင်ရာ အရာရှိတွေက ပြောပါတယ်။

ဒီအာကာသယာဉ်ဟာ နိုင်ငံတကာ အာကာသယာဉ် စခန်းက ဝန်ထမ်းတွေအတွက် ရေ၊ အစားအစာ ၊ အောက်စီဂျင်နဲ့ စွမ်းအင်လောင်စာ နှစ်တန်ခွဲကျော်ကို သယ်ဆောင်လာတာ ဖြစ်ပါတယ်။

ဒါပေမယ့် အာကာသယာဉ် စခန်းမှာ စားနပ်ရိက္ခာနဲ့ ပစ္စည်းတွေ နောက်ထပ် လအတန်ကြာ အထိ အလုံအလောက် ရှိနေသေးတာကြောင့် ဒီယာဉ်ပျက်ကျမှုက စခန်းက အခြေအနေကို မထိခိုက် နိုင်ဘူးလို့ သတင်းထောက်တွေက ပြောပါတယ်။

BBC navigation

BBC © 2014 ပြင်ပ အင်တာနက်ဆိုက်များတွင် ပါဝင်သော အကြောင်းအရာ များကို ဘီဘီစီကတာဝန် မယူပါ

ဤစာမျက်နှာကို CSS ဖွင့်ထားသော နောက်ဆုံးပေါ် internet browserနဲ့ အကောင်းဆုံး ကြည့်နိုင်ပါတယ်။ အကောင်းဆုံး ကြည့်နိုင်ဖို့ ကိုယ့် browser ကို အဆင့်မြှင့်နိုင်ရင်မြှင့်ပါ၊ CSS ကိုဖွင့်ထားရင်လည်း အဆင်ပြေနိုင်ပါတယ်။