ကျူးဘားကာကွယ်ရေး ဝန်ကြီးကွယ်လွန်

  • 4 စက်တင်ဘာ 2011
bay_of_pigs
Image caption ကျူးဘား တော်လှန်ရေး ရဲဘော်များ

ကျူးဘား နိုင်ငံရဲ့ တော်လှန်ရေး ရဲဘော် ဟောင်းကြီး ဖြစ်တဲ့ ကာကွယ်ရေး ဝန်ကြီး ဟူလီယိုကာဆတ်စ် ရဂွဲရို ကွယ်လွန်သွား ကြောင်း ကျူးဘား နိုင်ငံ ပိုင် ရုပ်မြင်သံ ကြား က ကြေငြာသွား ခဲ့ပါတယ်။

ဗိုလ်ချုပ် ကာဆတ်စ် ရဂွဲရို ဟာ နှလုံး ရောဂါ နဲ့ကွယ်လွန် သွားခဲ့တာ ဖြစ်ပြီး ကွယ်လွန်ချိန်မှာ သူဟာ အသက် ၇၅ နှစ် ရှိပြီ ဖြစ်ပါတယ်။

သူဟာ ၂၀၀၈ ခုနှစ်မှာ သမ္မတ ရာအူးလ် ကက်စ်ထရို ရဲ့ ကာကွယ် ရေးဝန်ကြီး အဖြစ် ခန့်အပ် ခံခဲ့ရတဲ့ အချိန် အထိ ကျူးဘား စစ်တပ် ရဲ့ အဓိက ကျတဲ့ စီးပွား ရေး လုပ်ငန်း တွေကို တာဝန်ယူ ထားခဲ့တာ ဖြစ်ပါတယ်။

ဟူလီယို ကာဆတ်စ် ရဂွဲရို ဟာ အရင်က စာရင်းကိုင် တဦး ဖြစ်ပြီး ၁၉၅၉ ခုနှစ် ဇန်နဝါရီ ၁ ရက်နေ့မှာ ဖြုတ်ချတာ ခံခဲ့ရတဲ့ ဖူလ်ဂျန်ဆီယို ဘာတစ္စတာ ကို တော်လှန်ခဲ့စဉ် က ရာအူးလ် ကက်စ်ထရိုရဲ့ လက်အောက် မှာ တာဝန် ထမ်းဆောင် ခဲ့တာ ဖြစ်ပါတယ်။