နောက်ဆုံး ရေးသားချိန် 15 ဖေဖေါ်ဝါရီလ 2012 - 23:31 GMT

အကျဉ်းတံခါး သော့ရှာမတွေ့လို့ အကျဉ်းသားတွေ သေဆုံး

အကျဉ်းဉီးစီး အရာရှိတွေကို တာဝန် ရပ်ဆိုင်း လိုက်တဲ့ သမ္မတ လိုဘို

ဟွန်ဒူးရပ်စ် နိုင်ငံမှာ အကျဉ်းထောင် မီးလောင်မှုကြောင့် လူ၃ဝဝကျော် သေဆုံး သွားခဲ့ ပြီးတဲ့နောက် အကျဉ်း ဦးစီး အရာရှိတွေကို သမ္မတ Porfirio Lobo က ရာထူးက ရပ်ဆိုင်း လိုက်ပါတယ်။

သူ့အဆိုအရ လက်မခံနိုင်တဲ့ ဒီဖြစ်ရပ်ဆိုးဟာ ဘာကြောင့် ဖြစ်ရတာလဲ ဘယ်သူ့မှာ တာဝန် ရှိသလဲ ဆိုတာကို အပြည့်အဝ ပွင့်လင်း မြင်သာအောင် စုံစမ်း ဖော်ထုတ် သွားဖို့ ဆုံးဖြတ်ထားတယ်လို့ မစ္စတာ လိုဘိုက ဆိုပါတယ်။

အကျဉ်း အခန်း တံခါးသော့တွေ ရှာမရတာကြောင့် အကျဉ်းသား အများစုဟာ မီးလောင် သေဆုံးတာ ဒါမှမဟုတ် မွန်းကျပ် သေဆုံးသွားတာလို့ မီးသတ်တွေက ပြောပါတယ်။

Comayagua ကိုမာရာဂွာမြို့က အဲဒီ အကျဉ်းထောင်မှာ ထားတဲ့ အကျဉ်းသား အရေအတွက်ဟာ ရှိသင့်တာထက် နှစ်ဆလောက် ပိုများ နေတာ ဖြစ်ပါတယ်။

အသက်ရှင် ကျန်ရစ်သူတွေကို ဆေးဝါး ကုသမှု အပြည့်အဝ ထောက်ပံ့ပေးမှာ ဖြစ်ပြီး သေဆုံးသူ မိသားစု တွေကိုလည်း သဂြိုလ် စရိတ် ထောက်ပံ့ ကူညီပေး သွားမယ်လို့လည်း သမ္မတ လိုဘိုက ပြောပါတယ်။

BBC navigation

BBC © 2014 ပြင်ပ အင်တာနက်ဆိုက်များတွင် ပါဝင်သော အကြောင်းအရာ များကို ဘီဘီစီကတာဝန် မယူပါ

ဤစာမျက်နှာကို CSS ဖွင့်ထားသော နောက်ဆုံးပေါ် internet browserနဲ့ အကောင်းဆုံး ကြည့်နိုင်ပါတယ်။ အကောင်းဆုံး ကြည့်နိုင်ဖို့ ကိုယ့် browser ကို အဆင့်မြှင့်နိုင်ရင်မြှင့်ပါ၊ CSS ကိုဖွင့်ထားရင်လည်း အဆင်ပြေနိုင်ပါတယ်။