သင့်စက်တွင် ဒီမီဒီယာဖိုင်ကို ဖွင့်၍ မရပါ။

ရခိုင်စကားနဲ့ ဗမာစကား

ရခိုင်နဲ့ ဗမာစကားနှစ်ခုဟာ တအူတုံဆင်းတွေ ဖြစ်ကြပေမယ့် ကာလကြာရှည်သွားတဲ့အခါ အသုံးအနှုန်းကွဲပြားလာကြတဲ့ အကြောင်းနားဆင်ရမှာပါ။

ဆပ်ပြာကို ရခိုင်က သူပုန်လို့ခေါ်ပါတယ်။ မာလကာသီးကို ဂိုယံသီးလို့ခေါ်ပြီး သင်္ဘောသီးကို ပဒကာသီးလို့ ခေါ်ပါတယ်။ ဘာ့ကြောင့် ကွဲပြားနေကြပါသလဲ။

ဗမာက ရေဆာတယ်လို့ သုံးတာကို ရခိုင်က ရေမွတ်တယ်လို့သုံးပါတယ်။ ဗမာက ဗိုက်နာတယ်လို့ သုံးတာကို ရခိုင်က ဝမ်းခဲတယ်လို့ သုံးပါတယ်။ဗမာက ဘောလုံးကန်တာကို ရခိုင်က ဘောလုံးကျောက်တယ်လို့သုံးပါတယ်။ ဗမာကမှောင်တယ်လို့ သုံးတာကို ရခိုင်က မိုက်တယ်လို့သုံးပါတယ်။

တိုင်းရင်းသားလူမျိုးအားလုံး နှစ်သက်မြတ်နိုးကြတဲ့ ငပလီကမ်းခြေဟာလည်း အီတလီနိုင်ငံက Napales မြို့ကို အစွဲပြု မှည့်ခေါ်ထားတာ ဖြစ်နိုင်ကြောင်း ဒီတပတ် အလင်္ကာပုလဲပန်း အစီအစဉ်မှာ တင်ဆက်ပေးထားပါတယ်။