မူဘာရက် စီရင်ချက်ကို မကျေနပ်လို့ အီဂျစ်မှာ ဆန္ဒပြကြ

  • 3 ဇွန် 2012
tahrir_demo ဓာတ်ပုံ မူပိုင် Reuters
Image caption တဟီရာ ရင်ပြင်က ဆန္ဒပြ ပြည်သူများ

အီဂျစ် နိုင်ငံ ကိုင်ရိုမြို့တော်က တဟီရာ ရင်ပြင် မှာတော့ အရင် သမ္မတဟောင်း မူဘာရက် နဲ့ သူ့ရဲ့ အရင်ပြည်ထဲရေး ဝန်ကြီးဟောင်း တို့ကို ချမှတ်လိုက်တဲ့ စီရင်ချက်ကို မကျေနပ်ကြလို့ လူပေါင်း ထောင်ပေါင်းများစွာ စုရုံး ဆန္ဒပြခဲ့ကြ ပါတယ်။

မစ္စတာ မူဘာရက်နဲ့ အရင် ပြည်ထဲရေး ဝန်ကြီး ဟာဘိ အဲလ် အဒ်လီ တို့ကို မနှစ်က ဆန္ဒပြသူ တွေကို သတ်ဖြတ် မှုတွေ လုပ်ခဲ့တဲ့ ပြစ်မှုနဲ့ ထောင်ဒဏ် တသက်တကျွန်း ကျခံဖို့ စီရင်ချက် ချလိုက် ပါတယ်။

ဒါပေမယ့်လို့ အဲဒီ အရင် လုံခြုံရေး အကြီး အကဲဟောင်း ၆ ယောက်ကို တရားသေ လွှတ်ပေးလိုက်ပြီး၊ မူဘာရက် နဲ့ သူ့ သား ၂ ဉီး တို့ကို လည်း အဂတိ လိုက်စား မှုတွေ ကင်းရှင်းကြောင်း ကိုပါ စီရင် လိုက်တာ ဖြစ်ပါတယ်။

အီဂျစ် နိုင်ငံက သိပ် အစွန်းမရောက်တဲ့ နိုင်ငံရေး သမား တဉီးဖြစ်တဲ့ ဒါလီယာ ဇဒီယာ ကတော့ သူ့ရဲ့ အမြင်ကို ဘီဘီစီကို ပြောပြရာမှာ လူတွေ ကို မျက်လှည့် ပြခံလိုက် ရတာပဲ ဖြစ်ကြောင်း၊ အမှုကို ရုံးတင် စစ်နေပြီ ဆိုတဲ့ ပုံစံ ဝင်အောင် ပြထားခဲ့ တာဖြစ်ကြောင်း၊ ဒါပေမယ့် စကတည်းက အမှုကို အားမရှိအောင် လုပ်ထားခဲ့ တာဖြစ်ကြောင်း၊ သူတို့ အစစ ခြယ်လှယ် လို့ ရအောင် အချိန်ယူ စီစဉ် ခဲ့တာ ဖြစ်ကြောင်း စသည်ဖြင့် ပြောကြား သွားခဲ့ ပါတယ်။

အလက်ဇန္ဒြီးယား မြို့နဲ့ တောင်ဘက်က ကီနာ မြို့တွေမှာတော့ ဆန္ဒပြကြသူ တွေက အဲဒီ စွဲချက် အတင်ခံရသူ တွေကို သေဒဏ်ပေးဖို့ အတွက် တောင်းဆို ဆန္ဒပြခဲ့ ကြပါတယ်။