မြန်မာလိုမျိုး နမူနာယူဖို့ မြောက်ကိုရီးယားကို အမေရိကန် ပြောပြီ

  • 9 ဇွန် 2012
ဓာတ်ပုံ မူပိုင် AP
Image caption မြောက်ကိုရီးယား လူ့အခွင့်အရေး ဆိုင်ရာ အမေရိကန် သံတမန် Robert King

မြောက်ကိုရီးယား နိုင်ငံဟာ မြန်မာပြည်က ဒီမိုကရေစီ ရေးရာ ပြုပြင်ပြောင်းလဲမှုမျိုးတွေကို နမူနာယူ လိုက်လုပ်သင့်တယ်လို့ အမေရိကန် ဆိုင်ရာ အဆင့်မြင့် သံတမန် Robert King က ပြောကြားလိုက်ပါတယ်။

မြောက်ကိုရီး အစိုးရ အနေနဲ့ မြန်မာနိုင်ငံက သွားနေတဲ့ လမ်းကြောင်းမျိုး လိုက်ပြီး လုပ်မယ် ဆိုရင် အမေရိကန်နဲ့ တခြား ကမ္ဘာ့နိုင်ငံတွေက ပြန်လည် ဖေးဖေးမမ တုန့်ပြန်ကြလိမ့်မယ်လို့ မြောက်ကိုရီးယားရဲ့ လူ့အခွင့်အရေး ဆိုင်ရာ အမေရိကန် သံတမန် မစ္စတာ ကင်းန်းက ဆိုပါတယ်။

လက်ရှိ အခြေအနေမှာ အမေရိကန် အနေနဲ့ မြောက်ကိုရီးယားကို ရိက္ခာ အကူအညီ ထောက်ပံ့ပေးမယ့် အစီအစဉ် မရှိပေမယ့် တကယ်လို့ အနာဂတ်မှာ အမေရိကန် အရာရှိတွေကို ဒီရိက္ခာ ပေးဝေမှုနဲ့ ပတ်သက်လို့ စောင့်ကြည့် လေ့လာခွင့် ပေးမယ် ဆိုရင် ပြန်စဉ်းစားကောင်း စဉ်းစား နိုင်တယ်ယလို့ မစ္စတာ ကင်းန်က ပြောပါတယ်။

ဒါ့အပြင် မြောက်ကိုရီးယား အနေနဲ့ နျူကလီးယား စက်ရုံတွေကို နိုင်ငံတကာ အနုမြူ စွမ်းအင် အေဂျင်စီအား ကြည့်ရှုလေ့လာခွင့် ပေးဖို့ ပန်ကြား ထားပါတယ်။