ဆီးရီးယား တိုက်ခိုက်မှု လူ ရာချီ သေဆုံး

  • 21 ဩဂုတ် 2013
syrian chemical attacks
Image caption အစိုးရဘက်က အဆိပ်ငွေ့သုံးပြီး တိုက်ခိုက်ခဲ့တယ်လို့ သတင်းထွက်

ဆီးရီးယားနိုင်ငံ ဒမာ့စကပ်စ်မြို့ရဲ့ ဆင်ခြေဖုံး ရပ်ကွက်မှာ အစိုးရ တပ်ဖွဲ့တွေက အမြောက် ကျည်တွေနဲ့ အပြင်းအထန် ပစ်ခတ် တိုက်ခိုက် ခဲ့အပြီး လူရာနဲ့ချီ သေဆုံးခဲ့တယ်လို့ ဆီးရီးယား အတိုက်အခံ လှုပ်ရှားသူတွေက ပြောပါတယ်။

အဓိက အတိုက်အခံ အဖွဲ့ ဖြစ်တဲ့ National Coalition အဖွဲ့က သေဆုံးသူပေါင်း ၆၅၀ လောက်အထိ ရှိတယ်လို့ ဆိုပါတယ်။

အဲဒီ တိုက်ခိုက်မှုအတွင်း အစိုးရ တပ်ဖွဲ့တွေက အဆိပ်ဓာတ်ငွေ့တွေ အသုံးပြုခဲ့တယ်လို့ မျက်မြင်သက်သေတွေက ပြောပါတယ်။

ဆီးရီးယား အစိုးရကတော့ ဒီသတင်းတွေကို ငြင်းဆိုထားပါတယ်။

ဆီးရီးယားနိုင်ငံမှာ လောလောဆယ် ရောက်ရှိနေတဲ့ ကုလသမဂ္ဂ ဓါတု လက်နက် စစ်ဆေးရေး အဖွဲ့ အကြီးအကဲက ဒီစွပ်စွဲမှုတွေနဲ့ ပတ်သက်လို့ သူတို့အနေနဲ့ စုံစမ်းစစ်ဆေးဖို့ အသင့်ရှိကြောင်းနဲ့ သူတို့ကို အဲဒီနေရာတွေကို သွားခွင့်ပြုဖို့ ဆီးရီးယား အစိုးရကို နိုင်ငံတကာက တောင်းဆိုမှုတွေ ရှိနေတယ်လို့ ပြောပါတယ်။

ဗြိတိန် နိုင်ငံကတော့ ဒီကိစ္စကို ကုလသမဂ္ဂ လုံခြုံရေး ကောင်စီလက်ထဲကိုပဲ လွှဲမယ်လို့ ဆိုပါတယ်။