အီဘိုလာ ရောဂါ မာလီနိုင်ငံကို ကူးပြီလား

  • 4 ဧပြီ 2014
ဓာတ်ပုံ မူပိုင် Getty
Image caption သံသယရှိတဲ့ လူ ၃ ယောက်ကို သီးခြား ခွဲထုတ် ကုသနေ

အနောက် အာဖရိကမှာ အီဘိုလာ Ebola ရောဂါ တိုက်ဖျက်ရေး လုပ်ဆောင်နေကြတဲ့ ဆေးဘက်ဆိုင်ရာ အဖွဲ့တွေဟာ မာလီ နိုင်ငံကို ဒီရောဂါ ပျံ့နှံ့လာနေပြီလား ဆိုတာကို အတည်ပြုနိုင်ဖို့ ကြိုးစားနေကြပါတယ်။

မာလီနိုင်ငံမှာ ရောဂါ ကူးစက်ခံရတယ်လို့ သံသယ ရှိတဲ့ လူ ၃ ယောက်ဆီက နမူနာတွေကို ရယူပြီး အမေရိကန်ကို စစ်ဆေးဖို့ ပို့ထားသလို သူတို့ကိုလည်း သီးခြား ခွဲထုတ် ကုသနေပါတယ်။

အိမ်နီးချင်း ဂီနီယာ နိုင်ငံမှာ ဒီရောဂါနဲ့ လူ ၉၀ လောက် သေဆုံးခဲ့ပြီး လိုက်ဘေးရီးယား မှာလည်း ၆ ယောက် သေထားသလို ဆီယာလီယွန်နဲ့ ဂမ်ဘီယာ တို့မှာလည်း ရောဂါ လက္ခဏာတွေ တွေ့နေရတဲ့အတွက် စိုးရိမ်နေကြပါတယ်။

နယ်စည်းမခြား ဆရာဝန်များ အဖွဲ့က Sam Taylor ကတော့ ဒီရောဂါ ကူးစက်ခံရတဲ့ လူတွေရဲ့ ၉၀ ရာခိုင်နှုန်းဟာ ခုတိုင်းဆို အသက်ဆုံးရှုံးဖို့ သေချာတယ်လို့ ပြောပါတယ်။ အထူး ဂရုစိုက်နိုင်မှာသာ ဒီနှုန်းထားကို လျှော့ချနိုင်မယ်လို့ သူက ပြောပါတယ်။

ဒီသတင်းနဲ့ပတ်သက်သမျှ