တရုတ် စတော့ စျေးနှုန်းတွေ ပြန်ခုန်တက်

  • 9 ဇူလိုင် 2015
ဓာတ်ပုံ မူပိုင် AFP
Image caption အစုရှယ်ယာတွေ ပြန်ထုတ်မရောင်းဖို့ တရုတ် အစိုးရက တားမြစ်ခဲ့။

တရုတ် နိုင်ငံမှာ စတော့ စျေးကွက် တည်ငြိမ်အောင် ထိန်းသိမ်းမှုတွေ ထပ်မံ ပြုလုပ်ခဲ့ပြီးနောက် ဆက်တိုက် ကျဆင်းနေခဲ့တဲ့ အစု ရှယ်ယာ တန်ဖိုးတွေဟာ ကြာသပတေးနေ့မှာ ပြန်လည် ခုန်တက် ခဲ့ပါတယ်။

ရှန်ဟိုင်း အစုရှယ်ယာ စျေးကွက် အညွှန်းကိန်းဟာ ၆ နှစ် အတွင်း အမြင့်ဆုံး အဖြစ် ၆ ရာခိုင်နှုန်း နီးပါး ခုန်တက်ပြီး စျေးပိတ် သွားပါတယ်။

ဟောင်ကောင်က ဟန်ဆင်း ညွှန်းကိန်းဟာလည်း ၄ ရာခိုင်နှုန်း တက်ခဲ့ပါတယ်။

ကုမ္ပဏီ တစ်ခုရဲ့ ရှယ်ယာ ၅ ရာခိုင်နှုန်းထက် ပိုကိုင်ထားသူတွေ နောက် ၆ လ အတွင်း ရှယ်ယာတွေ ထုတ်မရောင်းရဘူးလို့ တရုတ် အစိုးရက တားမြစ် လိုက်ပြီးနောက် အခုလို စျေးနှုန်းတွေ ခုန်တက်ခဲ့တာ ဖြစ်ပါတယ်။

တချိန်တည်းမှာပဲ အစုရှယ်ယာ တွေကို ကာလတို အတွင်း ရောင်းချပြီး စျေးကစားသူတွေကို ရဲတပ်ဖွဲ့က စုံစမ်း စစ်ဆေး နေတယ်လို့ တရုတ်ပိုင် ဆင်ဟွာ သတင်းဌာနက ပြောပါတယ်။

ဒီသတင်းနဲ့ပတ်သက်သမျှ