တယ်လီစကုပ်အနီးက လူတစ်သောင်းကို တရုတ် ရွှေ့မယ်

  • 16 ဖေဖော်ဝါရီ 2016
ဓာတ်ပုံ မူပိုင် AFP
Image caption အချင်း မီတာ ၅၀၀ ရှိတဲ့ ကမ္ဘာ့ အကြီးဆုံး တယ်လီစကုပ်ကို အခုနှစ်ထဲမှာ လုပ်ငန်း စမယ်လို့ ဆို။

တရုတ် နိုင်ငံမှာ တည်ဆောက် ထားတဲ့ ကမ္ဘာ့ အကြီးဆုံး ရေဒီယို တယ်လီစကုပ်ကြီး အနီးက လူပေါင်း တစ်သောင်း နီးပါးကို ပြောင်းရွှေ့ နေရာ ချထားဖို့ တရုတ် အစိုးရက စီစဉ် နေပါတယ်။

အနောက်တောင်ပိုင်း ကွမ်ကျိုး ပြည်နယ်မှာ ရှိတဲ့ အဲဒီ ဧရာမ တယ်လီစကုပ်ရဲ့ လျှပ်စစ် သံလိုက်လှိုင်းတွေနဲ့ အနှောင့်အယှက် မဖြစ်စေဖို့ အနီးအနားက နေထိုင်သူတွေကို ပြောင်းရွှေ့ပေးမှာ ဖြစ်တယ်လို့ ဆိုပါတယ်။

စကြဝဠာထဲက ဉာဏ်ရည်မြင့် သက်ရှိတွေကို ရှာဖွေရာမှာ ဒီ တယ်လီစကုပ်ကြီးက ပိုခရီးတွင် စေလိမ့်မယ်လို့ အဲဒီ ပရောဂျက်ရဲ့ ခေါင်းဆောင် သိပ္ပံပညာရှင်က တရုတ် သတင်းဌာနကို ပြောပါတယ်။

FAST လို့ အမည်ပေးထားတဲ့ အချင်း မီတာ ၅၀၀ (ပေ ၁၆၄၀) ရှိတဲ့ အဲဒီ တယ်လီစကုပ် ကြီးရဲ့ လုပ်ငန်းတွေကို အခုနှစ်ထဲမှာ စတင်မယ်လို့ ဆိုပါတယ်။ အရင်က ကမ္ဘာ အကြီးဆုံး ဖြစ်ခဲ့တဲ့ ပူတိုရီကိုက တယ်လီစကုပ်က အချင်း မီတာ ၃၀၀ သာ ရှိပါတယ်။

တယ်လီစကုပ်နဲ့ ၅ ကီလိုမီတာ အတွင်းက နေထိုင်သူပေါင်း ၉,၁၁၀ ကို အခုနှစ် စက်တင်ဘာလ မတိုင်မီမှာ ရွှေ့ပြောင်း နေရာချထား ပေးသွားမယ်လို့ ပြည်နယ် အရာရှိတွေက ကတိပြု ထားကြောင်း ဆင်ဟွာ သတင်းဌာနက ပြောပါတယ်။

ဒီသတင်းနဲ့ပတ်သက်သမျှ