ပုပ်ရဟန်းမင်းကြီးက ဒေါ်နယ်ထရန့် ကိုဝေဖန်

  • 18 ဖေဖော်ဝါရီ 2016
ပုပ်ရဟန်းမင်းကြီး မက္ကဆီကိုရောက်စဉ်
Image caption ပုပ်ရဟန်းမင်းကြီး မက္ကဆီကိုရောက်စဉ်

ပုပ်ရဟန်းမင်းကြီး Francis က တံတိုင်းတွေ တည်ဆောက်ပြီး တံတားတွေ မဆောက်နိုင်ရင် ခရစ်ယာန် တယောက် မဟုတ်ဘူးဆိုပြီး အမေရိကန် သမ္မတလောင်းဖြစ်ဖို့ ယှဉ်ပြိုင်နေတဲ့ နယူးယောက် သူဌေးကြီး Donald Trump ကိုဝေဖန်လိုက်တာပါ။

မက္ကဆီကို နိုင်ငံကို ၆ရက်ကြာ သွားတဲ့ ခရီးစဉ်အပြီးမှာ ပုပ်ရဟန်းမင်းကြီးက ခုလိုပြောတာ ဖြစ်ပါတယ်။

Trump ကတော့ တကယ်လို့ သူအရွေးခံရရင် အမေရိကန် နယ်ခြားမှာ တံတိုင်းတွေ ဆောက်မယ် နိုင်ငံတွင်း ခိုးဝင်လာသူတွေကို တိုင်းပြည်က နှင်ထုတ်မယ်လို့ဆိုပါတယ်။ ဒါ့အပြင် မက္ကဆီကို နိုင်ငံကနေ အမေရိကန် ပြည်ထောင်စုကို ရာဇဝတ်ကောင်တွေ ပို့နေတာလို့လည်း စွပ်စွဲပါတယ်။ ရီပတ်ဘလစ်ကန် ပါတီသမ္မတ လောင်းအဖြစ် ထိပ်ကပြေးနေတဲ့ Trumpကို အမေရိကန်တွေ မဲပေးသင့်သလား ဆိုတဲ့မေးခွန်းကိုတော့ ပုပ်ရဟန်းမင်းကြီးက ရေငုံ နှုတ်ပိတ်နေခဲ့ပါတယ်။

ဘာသာရေး ခေါင်းဆောင် တယောက်က လူတယောက်ရဲ့ ဘာသာရေး ယုံကြည်မှုကို မေးခွန်းထုတ်တာအလွန် ရှက်ဖို့ကောင်းပါတယ်သူဟာ ခရစ်ယာန်ဖြစ်ရတာဂုဏ်ယူတယ်လို့ Trumpက တုန့်ပြန်ပါတယ်။ တကယ်လို့ အိုင်အက်စ် အစ္စလမ်စစ်သွေးကြွတွေက ဗက်တီကန်ကို ရည်မှန်းတဲ့အတိုင်း ဝင်တိုက်ခဲ့မယ်ဆိုရင် ပုပ်ရဟန်းမင်းကြီး အနေနဲ့ Donald Trump သာသမ္မတ ဖြစ်ခဲ့ရင်ဒီလို အခြေဆိုက်မှာ မဟုတ်ဘူးလို့ ဆုတောင်းကောင်း တောင်းရပါလိမ့်မယ်လို့ လည်းပြောပါတယ်။

အမေရိကန် ပြည်ထောင်စုရွေးကောက်ပွဲတွေမှာ ကက်သလစ် ဘာသာဝင်တွေရဲ့ ထောက်ခံမဲရဖို့ ကလည်းအရေးကြီးပါတယ်။ ကက်သလစ် အများစုက ပဋိသန္ဓေတားတာနဲ့ လိင်တူလက်ထပ်တာကို ဆန့်ကျင်တဲ့ ရီပတ်ဘလစ်ကန် အမတ်လောင်းတွေကို ထောက်ခံကြပါတယ်။ Trumpကလည်း ခရစ်ယာန်တွေရဲ့မဲရဖို့ မဲဆွယ်နေပြီး အတော်အောင်မြင်မှုလည်း ရနေပါတယ်။ ဒါပေမယ့် သူ့ပြိုင်ဘက် ရီပတ်ဘလစ်ကန် တွေကတော့ Trump ရဲ့ဘာသာရေးအပေါ် သဘောထားတာ သိပ်မူမမှန်ဘူးလို့ ဝေဖန်နေကြပါတယ်။

ဒီသတင်းနဲ့ပတ်သက်သမျှ