အာဖဂန် ငါးနှစ်သားက မက်ဆီ့အင်္ကျီကို တကယ်ရသွား

  • 25 ဖေဖော်ဝါရီ 2016
ဓာတ်ပုံ မူပိုင် Unicef

ဘောလုံး အကျော်အမော် မက်ဆီရဲ့ အာဂျင်တီနား အင်္ကျီပုံစံအတိုင်း အစင်းပါတဲ့ ပလတ်စတစ် အိတ်ပေါ်မှာ ကျောနံပါတ်နဲ့ မက်ဆီ့ အမည်ကို ရေးပြီး ဝတ်ထားတဲ့ ဓာတ်ပုံနဲ့ အင်တာနက်ပေါ်မှာ နာမည်ကြီးခဲ့တဲ့ အာဖဂန်က ငါးနှစ်သား တစ်ယောက်ဟာ အခုတော့ မက်ဆီရဲ့ တကယ့် အင်္ကျီအစစ် တစ်ထည်ကို ရရှိသွားပါတယ်။

Murtaza Ahmadi ဆိုတဲ့ အဲဒီ ငါးနှစ်သားလေးက မက်ဆီ ကိုယ်တိုင် လက်မှတ်ထိုးထားတဲ့ အင်္ကျီကို ဝတ်ထားတဲ့ ဓာတ်ပုံကို ကုလသမဂ္ဂ ကလေးများ ရန်ပုံငွေအဖွဲ့ ယူနီဆက်ဖ်က ဖော်ပြ ခဲ့ပါတယ်။

မက်ဆီရဲ့ စီမံခန့်ခွဲရေး အဖွဲ့ကလည်း Murtaza အတွက် လက်မှတ်ထိုးထားတဲ့ အင်္ကျီတစ်ထည်နဲ့ ဘောလုံးတစ်လုံးကို ပေးပို့ခဲ့တယ် ဆိုတာကို ကြသပတေးနေ့က အတည်ပြု ပြောဆိုပါတယ်။

Murtaza က 'ကျွန်တော် မက်ဆီ့ကို ချစ်တယ်၊ မက်ဆီကလည်း ကျွန်တော့်ကို ချစ်တယ် ဆိုတာ ဒီအင်္ကျီက ပြောနေတယ်' လို့ ပြောပါတယ်။

ပလပ်စတစ်အိတ် အင်္ကျီနဲ့ Murtaza ရဲ့ ဓာတ်ပုံကို သူ့အစ်ကို ဖြစ်သူက အွန်လိုင်းပေါ် တင်ခဲ့ပြီးနောက် အင်တာနက်ပေါ်မှာ ပျံ့နှံ့ ခဲ့တာပါ။

လယ်သမား တစ်ယောက် ဖြစ်တဲ့ သူ့ရဲ့ ဖခင်ကတော့ အခုလို မက်ဆီရဲ့ အင်္ကျီအစစ် တစ်ထည်ကို သူ့သားအတွက် ဝယ်ပေးဖို့ တတ်နိုင်မှာ မဟုတ်ဘူးလို့ ပြောပါတယ်။

ဒီသတင်းနဲ့ပတ်သက်သမျှ