Tân mewn fflatiau: Ymchwiliad

Fflat yn Commercial Street, Casnewydd Image copyright (C) British Broadcasting Corporation
Image caption Bu criwiau o 11 gorsaf yn ceisio diffodd y fflamau ar y safle yn Commercial Street.

Mae Heddlu Gwent yn ymchwilio wedi i dân ddifrodi fflatiau uwchben siop yng nghanol Casnewydd.

Fe ddechreuodd y tân am 2.27am ddydd Sadwrn.

Bu criwiau o 11 gorsaf yn ceisio diffodd y fflamau ar y safle yn Commercial Street.

Ni chafodd unrhyw un eu hanafu ac nid oedd angen triniaeth ar ddim un o'r bobl sy'n byw yn yr adeilad.

Achoswyd difrod i ddau lawr a tho'r adeilad tri llawr.

Dywed Gwasanaeth Tân ac Achub De Cymru eu bod nhw wedi diffodd y tân erbyn 5.25am.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.