Caerdydd 2-2 Ipswich

Clwb Pêl-droed Caerdydd Image copyright Other

Fe ddaeth un darn o hanes ac un darn o elyniaeth leol i geisio difetha diwrnod Caerdydd yn y bencampwriaeth ddydd Sadwrn.

Ipswich oedd yr ymwelwyr i Stadiwm Dinas Caerdydd, ac o fewn ugain munud roedd yr Adar Gleision ar y blaen diolch i gol gan Rudy Gestede.

Ond mae Ipswich yn dîm anodd i'w curo y tymor hwn, a phan ddaethon nhw'n gyfartal roedd y sgoriwr yn hen ddraenen yn ystlys Caerdydd.

Cyn ymosodwr Abertawe, Jason Scotland, oedd y dyn oedd yn dathlu ar ôl sgorio yn erbyn ei hen elynion.

Ond roedd gwaeth i ddod i Gaerdydd yn yr ail hanner.

Chwe munud wedi'r egwyl fe aeth Caerdydd ar ei hol hi, ac roedd y sgoriwr y tro hwn yn fwy cyfarwydd fyth.

Cyn ffefryn y ffyddloniaid, Michael Chopra, a'i cafodd hi.

Yn ffodus i Gaerdydd roedd digon o amser yn weddill, ac fe ddaeth gol arall i'r tîm cartref.

Pan gafodd Caerdydd gig o'r smotyn wedi 72 o funudau, Peter Whittingham gamodd yn hyderus i gipio pwynt i'r Adar Gleision.

Canlyniad :-

Caerdydd 2-2 Ipswich

Tabl Pencampwriaeth nPower

Gemau Gwahaniaeth Goliau Pwyntiau
1. Southampton 11 +13 23
2. West Ham 11 +12 21
3. Middlesbrough 11 +8 21
4. Derby 11 +3 20
5. Brighton 10 +2 18
6. Hull 10 +0 18
-----------------------------------------------------------------------------------------
9. CAERDYDD 11 +3 17