Wrecsam a Chasnewydd yn ennill

Image copyright bbc

Casnewydd 3-1 Kettering

Luton 0-1 Wrecsam

Cafodd Casnewydd fuddugoliaeth diolch i hatric Danny Rose yn erbyn naw dyn Kettering.

Roedd trosedd John Dempster ar Sam Foley yn golygu cic o'r smotyn i'r tîm cartref wedi 34 munud ac o fewn munudau roedd yr ymwelwyr i lawr i 10 dyn wedi i Adam Cunnington gael cerdyn coch am drosedd ar Tommy Doherty.

Cafodd John Dempster ei anfon o'r cae ar ôl derbyn dau gerdyn melyn ond llwyddodd gôl geidwad Kettering, Laurie Walker, i arbed ergyd Rose.

Moses Ashikodi gafodd unig gôl yr ymwelwyr ar yr hanner.

Ond daeth Rose yn ei ôl gyda dwy ergyd yn yr ail hanner i sicrhau buddugoliaeth i'r tîm cartref.

Roedd Wrecsam wedi teithio i Luton ar gyfer eu gêm nhw.

Mathias Pogba gafodd unig gôl y gêm wedi 73 munud gan sichrau bod Wrecsam yn parhau i fod ar frig y tabl.

Roedd 'na gyfle yn fuan i Luton gan James Dance a wnaeth orfodi Joslain Mayebi i wneud arbediad gwych.

Cafodd Adrian Cieslewicz a Jake Speight gyfloedd da i Wrecsam hefyd.

Fe ddylai Janos Kovacs fod wedi canfod cefn y rhwyd i'r tîm cartref ond fe aeth y peniad dros y gôl.

Wedi camgymeriad gan Luton fe wnaeth Pogba sichrau'r gôl holl bwysig.

Tabl Uwchgynghrair Blue Square Bet

Gemau Gwahaniaeth Goliau Pwyntiau
1. WRECSAM 17 19 38
2. Fleetwood 17 10 34
3. Caerefrog 17 16 31
4. Southport 17 2 31
5. Luton 17 15 30
-----------------------------------------------------------------------------------------
22. CASNEWYDD 17 -8 14
23. Alfreton 17 -25 10
24. Caerfaddon 17 -18 7